web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Serbi përplasin Kurtin me SHBA-të/ Amerikanët: Votimi i serbëve në Kosovë, shumë  rëndësishëm

15 Mars 2022, 15:44, Kosova & Bota CNA

Kryeministri i Kosovës Albin Kurti, ka bërë me dije ditën e djeshme se është në process bisedimesh me ambasadorët e vendeve të Quint-it, BE dhe Shtetet e Bashkuara, mbi zgjedhjet në Serbi dhe lejimin apo jo të zhvillimit të tyre në territorin e Kosovës. Kurti ka thënë se Qeveria synon që të drejtat e serbëve të mos shkelen, por edhe të mos cenohet shtetësia e Kosovës.

?Konsiderojmë që në njërën anë, nuk duhet t?iu pamundësojmë serbëve në Kosovë, që e kanë përveçse nënshtetësinë e Kosovës edhe atë të Serbisë, ta kenë të drejtën e votës, mirëpo në anën tjetër, kushtetushmëria, ligji në Kosovë, rezoluta e fundit e Kuvendit ? e 15 janarit ? neve na e obligojnë bazën e çfarëdo zgjidhjeje që do të marrim në të ardhmen?, tha ai.

Të hënën, Kurti ka zhvilluar një bisedë telefonike me këshilltarin Special në Departamentin Amerikan të Shtetit, Derek Chollet. Në një postim në Twitter, Chollet theksoi rëndësinë e votimit të serbëve në Kosovës.

?Me kryeministrin Albin Kurti. E falënderoj atë për mbështetjen e tij të fortë në Ukrainë dhe theksova rëndësinë e sigurimit të votuesve me të drejtë vote në Kosovë që të mund të marrin pjesë në zgjedhjet e përgjithshme të Serbisë që do të mbahen me 3 prilli?, shkroi Chollet.

Sa i përket organizimit të zgjedhjeve serbe në Kosovë, Serbia e pretendon mbajtjen e tyre si një e drejtë e shtetasve serbë të cilët jetojnë në Kosovë, ndërsa Prishtina i refuzon pasi i konsideron shkelje të territorialitetit dhe shtetësisë së saj. Gjithsesi, qeveria e Kosovës ka propozuar votimin nëpërmjet postës apo Zyrës ndërlidhëse serbe në Kosovë, si një mënyrë që shtetasit serbë të ushtrojnë të drejtën e votës./ CNA.al

 

 

 

 

 

 

 





Lajmet e fundit nga