web counter
LEXO PA REKLAMA!

SHKARKO APP

App Store
Google Play

"Ndërhyjmë vetëm nëse sulmohet një vend anëtar"/ Nato braktis sërish Ukrainën

15 Mars 2022, 15:02, Kosova & Bota CNA

Sekretari i Përgjithshëm i NATO-s, Jens Stoltenberg, ka rikonfirmuar se një ndërhyrje ushtarake e aleancës, do të ndodhë vetëm nëse Rusia sulmon një nga 30 shtetet anëtare të NATO-s, pjesë e së cilës nuk është Ukraina.

“Përgjegjësia jonë si aleancë është të mbrojmë të gjithë aleatët e NATO-s. Ne po dërgojmë një mesazh të qartë se jemi gati ta bëjmë këtë, duke rritur praninë tonë në pjesën lindore të aleancës sonë”, tha Stoltenberg.

Ai theksoi gjithashtu mbështetjen që anëtarët e aleancës ushtarake mbrojtëse i kanë dhënë ushtrisë së Ukrainës në vitet e fundit, raporton CNN. Shefi i NATO-s theksoi se arsyeja se përse ushtria e Kievit është më e madhe, më e fortë, më e pajisur dhe më e trajnuar se në vitin 2014, është si rezultat i kësaj ndihme.

Ai bëri me dije se nesër udhëheqësit e NATO-s do të fillojnë të diskutojnë masat konkrete për të përforcuar sigurinë në një afat më të gjatë. Shefi i NATO-s, Jens Stoltenberg sapo ka folur në një konferencë për shtyp, ku tha se pushtimi rus i Ukrainës ka krijuar një “realitet të ri sigurie” në Evropë. Ai thotë se pozicioni ushtarak i NATO-s duhet të jetë gati për këtë realitet të ri.

?Në tokë, këto masa mund të përfshijnë thelbësisht më shumë forca në pjesën lindore të aleancës. Ne do të konsiderojmë gjithashtu rritje të mëdha në dislokimet tona detare dhe ajrore, forcimin e mbrojtjes raketore dhe ajrore dhe gjithashtu rritjen e mbrojtjes kibernetike?, deklaroi ai./ CNA.al





Lajmet e fundit nga