web counter
LEXO PA REKLAMA!

SHKARKO APP

App Store
Google Play

E fundit!

x

Forcat ruse bombardojnë Kievin/ Kryeqyteti i Ukrainës “zgjohet” nën rrebeshin e plumbave

15 Mars 2022, 07:32, Kosova & Bota CNA

Disa shpërthime u dëgjuan mëngjesin e së martës në kryeqytetin e Ukrainës, Kiev.

Një ndërtesë banimi raportohet se është qëlluar dhe djegur.

Sipas Shërbimit të Emergjencës Shtetërore, zjarri është shuar dhe një person është dërguar në spital.

Në një video-adresim të postuar në mediat sociale, presidenti i Ukrainës, Volodymyr Zelensky, u bëri thirrje trupave ruse që të dorëzohen.

?Në emër të popullit ukrainas, ne ju japim një shans për të jetuar. Nëse u dorëzoheni forcave tona, ne do t’ju trajtojmë ashtu siç duhen trajtuar njerëzit: me dinjitet?, tha Zelensky.

Rrjeti i metrosë së Kievit tha se një nga shpërthimet që goditi kryeqytetin e Ukrainës këtë mëngjes, dëmtoi fasadën e stacionit Lukyanivska dhe zyrat e tij.

Lukyanivska është mjaft afër qendrës së Kievit.

Stacioni është mbyllur për shkak të dëmtimit.

Presidenti i Shteteve të Bashkuara, Joe Biden, u zotua se do të vazhdojë furnizimin e Ukrainës me armë, ushqime dhe para.

Në një postim në Tëitter, Biden tha se SHBA-ja do t?i mirëpresë edhe refugjatët ukrainas me krahë hapur.

Ai tha të hënën se SHBA-ja po siguronte ?dhjetëra mijëra tonë furnizime humanitare? për Ukrainën, në baza ditore.

Javën e kaluar, Biden nënshkroi një paketë shpenzimesh emergjente, që parashikon 13.6 miliardë dollarë ndihmë për Ukrainën – rreth gjysma e tyre ndihmë ushtarake.

Mediat amerikane raportuan se administrata Biden po shqyrton edhe përshpejtimin e procedurave të imigracionit për ukrainasit e zhvendosur nga lufta, që kanë lidhje me SHBA-në.

Shtetet e Bashkuara e kanë dënuar fuqishëm pushtimin e Ukrainës nga Rusia dhe kanë ndërmarrë një varg sanksionesh kundër Rusisë – përfshirë ndalimin e importeve të naftës së saj.

Në një fjalim drejtuar kombit këtë muaj, Biden ka thënë se homologu i tij rus, Vladimir Putin, do të paguajë ?çmim të lartë? për pushtimin./REL.





Lajmet e fundit nga