web counter
LEXO PA REKLAMA!

SHKARKO APP

App Store
Google Play

NATO samit të jashtëzakonshëm/ Pas sanksioneve ruse, Biden në Bruksel

15 Mars 2022, 17:40, Kosova & Bota CNA

Aleanca ushtarake Nato, ka njoftuar sot se presidenti amerikan Joe Biden do të udhëtojë në selinë e NATO-s në Bruksel javën e ardhshme.

Shefi i NATO-s, Jens Stoltenberg ka thirrur një samit të jashtëzakonshëm për 24 mars në Bruksel për luftën në Ukrainë, pjesë e të cilit do të jetë edhe Biden.

Stoltenberg me një postim në Twitter, tha se liderët do të trajtojnë pushtimin e Ukrainës nga Rusia, mbështetjen e fortë për Ukrainën dhe forcimin e mëtejshëm të parandalimit dhe mbrojtjes së NATO-s. Ai shtoi se në këtë kohë kritike, Amerika e Veriut dhe Evropa duhet të vazhdojnë të qëndrojnë së bashku.

Ndërkohë, Shtëpia e Bardhë ka sqaruar se Biden do të marrë pjesë edhe në një samite të planifikuar të Këshillit të Europës.

?Presidenti do të udhëtojë në Bruksel, Belgjikë, në fund të këtij muaji, ku do të bashkohet me Samitin e jashtëzakonshëm të NATO-s më 24 mars për të diskutuar mbi përpjekjet e vazhdueshme të parandalimit dhe mbrojtjes në përgjigje të sulmit të paprovokuar dhe të pajustifikuar të Rusisë ndaj Ukrainës, si dhe për të referuar riafirmimin tone dhe angazhimin e hekurt ndaj aleatëve tanë të NATO-s. Ai gjithashtu do të bashkohet me një samit të planifikuar të Këshillit Evropian për të diskutuar shqetësimet tona të përbashkëta për Ukrainën, duke përfshirë përpjekjet transatlantike për të imponuar kosto ekonomike ndaj Rusisë, për të ofruar mbështetje humanitare për ata që janë prekur nga dhuna dhe për të adresuar sfida të tjera që lidhen me konfliktin?, tha sekretarja e shtypit e Shtëpisë së Bardhë, Jen Psaki./ CNA.al

 





Lajmet e fundit nga