web counter
LEXO PA REKLAMA!

SHKARKO APP

App Store
Google Play

E fundit!

x

Rusia merr peng spitalin në Ukrainë/ “Kushdo që largohet, vritet”

15 Mars 2022, 17:20, Kosova & Bota CNA

Disa ditë pas një sulmi vdekjeprurës në një maternitet në qytetin port jugor të Ukrainës, Mariupol, spitali më i madh i qytetit është marrë nën kjmontroll nga trupat ruse dhe 400 pacientë dhe staf po trajtohen si pengje. Lajmi është bërë i ditur nga autoritetet ukrainase, ttë cilët bënë me dije se spitali rajonal i kujdesit intensiv, në periferi perëndimore të Mariupol, u shkatërrua thuajse plotësisht një ditë më parë, por stafi vazhdoi të trajtonte pacientët në bodrum.

Shefi i administratës rajonale të Donetskut, Pavlo Kyrylenko  ka deklaruar se një nga punonjësit e spitalit njoftoi se forcat ruse kanë detyruar 400 persona të vendosen në ambjentet e këtij spitali, e më tej i kanë ndaluar largimin të gjithë të pranishmëve.

“Rusët detyruan 400 njerëz nga shtëpitë fqinje të vinin në spitalin tonë. Ne nuk mund të largohemi”, tha ai.

Autoritetet thonë se të paktën 2,400 civilë janë vrarë që nga fillimi i bombardimeve ruse të qytetit. Shumë nga banorët e Mariupolit po përpiqen të mbijetojnë në vend strehime nëntokësore.

Një grup i të drejtave të njeriut akuzon ushtarët rusë se kanë kërcënuar se do të qëllojnë këdo që del nga spitali dhe kushdo që është përpjekur të dalë është qëlluar apo plagosur./ CNA.al





Lajmet e fundit nga