E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“ Ukraina liroi kriminelët, armatosi vendin dhe përdori armë kimike”/Ambasada ruse në Tiranë “justifikon” luftën

15 Mars 2022, 18:01, Kosova & Bota CNA

Ambasada ruse në Tiranë, ka reaguar sot me një postim në rrjetin social Facebook, ku ka mbrojtur sulmin e Moskës ndaj Ukrainës. Sipas kësaj ambasade, operacioni special, ashtu siç Rusia e konsideron sulmin, është i justifikuar me mbrojtjen e vendit ndaj një rreziku të shtuar të vendosjes së forcave të NATO-s pranë territorit rus.

?Qëllimi i operacionit special të nisur nga forcat e armatosura ruse më datë 24 shkurt është demilitarizimi dhe denazifikimi i Ukrainës, mbrojtja e popullit të Donbasit, si edhe e Rusisë nga rreziku ushtarak i krijuar nga vendet e NATO-s, të cilët përpiqen të përdorin territorin ukrainas për të krijuar një bazë kundër vendit tonë. Planet e Rusisë nuk përfshijnë pushtimin e Ukrainës. Forcat ruse nuk kryejnë sulme me raketa ndaj qyteteve dhe popullsisë civile, si pohojnë mediat ukrainase dhe perëndimore?, shkruan ambasada.

Në postim, ?faji? për gjithçka i hidhet Kievit dhe tentativave, sipas ambasadës ruse në Tiranë, për të luftuar kulturën dhe gjuhën ruse ngaautoritetet ukrainase, në një kohë që në këtë shtet jetojnë miliona rusishtfolës. Gjithashtu theksohet se operacioni I ndërmarrë ndaj Ukranës është i ligjshëm dhe i mbështetur në Kartën e Kombeve të Bashkuara.

?Operacioni special është plotësisht legjitim. Ai po zbatohet në përputhje me Kartën e OKB-së, neni 51, pika 7, lejen e parlamentit rus dhe kërkesat zyrtare të autoriteteve drejtuese të DNR dhe LNR. Situata e krijuar në Donbas dhe Ukrainë është pasojë e grushtit të shtetit antikushtetues të realizuar në shkurt 2014 nga forcat neonaziste me mbështetjen e Perëndimit. Në një shtet me dhjetëra miliona qytetarë rusishtfolës, regjimi i ri i Kievit nisi një luftë të papajtueshme kundër gjuhës dhe kulturës ruse. Ideologjia e nazizmit depërtoi në mënyrë agresive. Hakmarrja jashtëgjyqësore ndaj kundërshtarëve politikë dhe përndjekja e disidentëve u kthyen në normë. Për tetë vjet vazhduan gjenocidi dhe lufta e përgjakshme kundër banorëve të Donbasit dhe bllokada e rajonit?, vijon postimi.

Pavarësisht pamjeve dhe të dhënave që vijnë prej ditësh nga Ukraina të goditjes nfga forcat ruse të banësave të civilëve apo edhe spitaleve, Ambasada pretendon se trupat ruse godasin vetëm objektet ushtarake dhe se sulmet ndaj civilëve janë një sajesë e nacionalistëve ukrainas.

?Kërcënimi për civilët në Ukrainë sot nuk vjen nga ushtria ruse, të cilët kryejnë goditje me armë me precizion të lartë vetëm mbi objektet ushtarake, por nga regjimi i Kievit që ushtron terror ndaj bashkëqytetarëve të tij, si edhe nga batalionet nacionaliste të pakontrolluara prej tyre. Nacionalistët vendosin tanke, artileri dhe sisteme raketash të shumëfishta (MLRS) te muret e kopshteve dhe shkollave, pajisin pozicionet e qitjes në çatitë e shtëpive, fshihen pas grave dhe fëmijëve duke i mbajtur në pozicione si pengje. Ushtarët rusë të zënë robë u nënshtrohen torturave sadiste. Banditët ukrainas i filmojnë këto tortura në video duke nxjerrë në pah mizorinë e tyre të dukshme?, deklaron ambasada.

Më tej, Ambasada akuzon autoritetet ukrainase se janë duke bërë terror dhe plaçkitje në vendin e tyre, madje në luftime me rusët, kanë përdorur edhe armë kimike.

?Kriminelët janë liruar nga burgjet. Një vendim kriminal i regjimit kievian është shpërndarja, pa ditur se kujt, e dhjetëra mijë armëve (vetëm në Kiev më shumë se dhjetë mijë). Banda të armatosura të grabitësve dhe plaçkitësve bëjnë skandale në qytetet e Ukrainës. Ato qëllojnë pa paralajmërim civilët e thjeshtë. Është fiksuar përdorimi prej Forcave të Armatosura të Ukrainës i municioneve të mbushura me fosfor, gjë që, siç dihet, është e ndaluar nga Protokolli i III i Konventës së OKB-së ?Mbi ndalimin ose kufizimin e përdorimit të disa Armëve Konvencionale, të cilat mund të jenë të dëmshme ose kanë efekte?, 1980?, përfundon Ambasada Ruse në Tiranë/ CNA.al

Rusia largohet nga Këshilli i Europës/ Putin mundësi rikthimi të dënimit me vdekje