web counter
LEXO PA REKLAMA!

SHKARKO APP

App Store
Google Play

Izolohet më tej Rusia/ BE miraton një tjetër paketë sanskionesh

15 Mars 2022, 18:22, Kosova & Bota CNA

Bashkimi Europian ka bërë të ditur masat e ndërmarra kundër Rusisë, në kuadër të raundit të kart të sanksioneve. Masat synojnë izolimin e mëtejshëm të Rusisë dhe kanë targetuar kryesisht rusët e pasur. Ministrat evropianë të financave kanë miratuar zyrtarisht një paketë të katërt sanksionesh që synojnë më shumë se 600 shtetas rusë.

?Është paketa më e shpejtë, më e fortë e sanksioneve e miratuar ndonjëherë nga Bashkimi Evropian në historinë e tij?, thanë ministrat në një deklaratë të përbashkët.

Emrat e individëve dhe subjekteve ruse të përfshirë në raundin e ri të sanksioneve nuk janë bërë të ditur.

?Do të ketë ndalim për eksportimin e disa gjërave, si mallra luksi dhe 27 vendet anëtare do të rrisin tarifat për tregëtimin e të gjitha mallrave të ardhura nga Rusia?, shpjegoi ministry francez I financave, Bruno Le Maire.

Ndërkohë, KE sqaroi se sanksionet u zgjeruan për të përfshirë, oligarkët kryesorë, lobistët dhe propaganduesit që shtyjnë narrativën e Kremlinit për situatën në Ukrainë, si dhe kompanitë kryesore në sektorët e aviacionit, ushtarak, ndërtimin e anijeve dhe makineritë./ CNA.al

 

 





Lajmet e fundit nga