web counter
LEXO PA REKLAMA!

SHKARKO APP

App Store
Google Play

Pas disa javësh rivendosen kontaktet SHBA-Rusi/ Moska paralajmërohet për pasojat nëse përdor armë kimike

16 Mars 2022, 14:59, Kosova & Bota CNA

Shtëpia e Bardhë ka njoftuar se Këshilltarin amerikan për sigurinë kombëtare, Jake Sullivan foli sot me homologun e tij rus. Telefonata midis Sullivan dhe Sekretarit të Këshillit të Sigurimit rus, Nikolai Patrushev, shënon kontaktin e nivelit më të lartë të njohur midis SHBA-së dhe Rusisë në disa javë. Sullivan përsëriti kundërshtimin e vendosur dhe të qartë të Shteteve të Bashkuara ndaj pushtimit të paprovokuar dhe të pajustifikuar të Ukrainës nga Rusia.

“Z. Sullivan parashtroi qartë angazhimin e Shteteve të Bashkuara për të vazhduar imponimin e kostove ndaj Rusisë, për të mbështetur mbrojtjen e sovranitetit dhe integritetit territorial të Ukrainës dhe për të përforcuar krahun lindor të NATO-s, në koordinim të vazhdueshëm të plotë me aleatët dhe partnerët tanë. Z. Sullivan i tha gjeneralit Patrushev se nëse Rusia është serioze për diplomacinë, atëherë Moska duhet të ndalojë së sulmuari qytetet dhe qytezat e Ukrainës. Z. Sullivan gjithashtu paralajmëroi gjeneralin Patrushev për pasojat dhe implikimet e çdo vendimi të mundshëm rus për të përdorur armë kimike ose biologjike në Ukrainë”, shpjegohej në deklaratën e Shtëpisë së Bardhë./ CNA.al





Lajmet e fundit nga