web counter
LEXO PA REKLAMA!

SHKARKO APP

App Store
Google Play

E fundit!

x

"Nismë shumë e rrezikshme për fermerët"/ Berisha: Do heqim Ballkanin e Hapur

21 Shkurt 2022, 11:16, Politikë CNA

Ish kryeministri nga Lushnja ku ishte në një takim me sindikatën e fermerëve, ka thënë se do ketë një rikthim të fuqishëm te grantet për bujqësinë.

Ndërsa ka premtuar edhe rritjen buxheti për këtë sector, Berisha ka deklaruar se problem qëndron te rrëzimi i Ballkanit të Hapur, i cili është shumë i rrezikshëm për fermerët shqiptarë.

?Ne do vazhdojmë përpjekjen tonë për të zgjeruar sipërfaqen e tokës, ju do çelur toka të reja, por duke mbjellë kodra e shpate me dru frutorë, sepse terreni ynë është i tillë. Në Shqipëri e gjithë toka është me vlerë. Atë që nismë që morëm për ullinjtë, do ta vazhdojmë me drutë arrorë dhe frutorë.

Do subvencionojmë blegtorinë dhe do vendosim subvencione për kokë. Një gjë ju garantoj: fermeri nuk do ketë asnjë taksë në shitjet e tij. Shteti nuk do i marrë atij asnjë taksë për shitjet. Shteti do i paguajë atij të gjithë taksat që ka paguar në blerjet e tij. Ky nuk është standard utopik, por është standard i BE-së. Asnjë shqiptar nuk humbet nga ky standard, përkundrazi, fitohet më shumë. Fiton ekonomia.

Do kompensohet çdo shpenzim dhe taksë e juaja në blerje. Nëse Shqipëria qëndron në projektin e integrimit në BE, ne do bëjmë hapat më të para në përgatitjen tuaj për këtë bashkim dhe kjo është e domosdoshme. Sikundër ne, ju garantoj se Ballkanin e Hapur do e hedhim poshtë, pasi është një nismë shumë e rrezikshme për fermerët tanë, pasi duhet të krahasoheni me fermerë që marrin subvencione të mëdha nga qeveria serbe.

Do vendosim sistemin evropian të marrëdhënies së agronomit me fermerin. Sot janë me qindra fermerë që nuk e kanë shitur vajin e ullirit,? tha Berisha./CNA.al





Lajmet e fundit nga