web counter
LEXO PA REKLAMA!

SHKARKO APP

App Store
Google Play

E fundit!

x

Loja e pistë e Bashës/ Fillon pastrimin e Ramës nga inceneratorët

20 Shkurt 2022, 18:25, Politikë CNA

Që kur nisi hetimi parlamentar për aferën gjigante të inceneratorëve, një gjë nisi të bëhej e qartë; qëllimi nuk ishte zbardhja e fakteve.

Thuhet se nëse do të groposësh një skandal, duhet të ngresh një komision hetimor parlamentar për të.

Por nëse dikush kishte dyshime se përse po bëhej kjo gjë, situata nisi të qartësohej që gjatë vizitës së Edi Ramës në Uashington.

Duke folur për Zërin e Amerikës, Rama lëshoi këdo që mund të kishte lidhje me këtë aferë, mjafton që ai të mos prekej.

Gjatë gjithë kësaj kohe, ai ka lënë të kuptohet se nuk ka lidhje me një nga skandalet më të mëdha të dekadave të fundit, por se shumica e zyrtarëve poshtë tij kanë vepruar ?pa dijeninë? e tij.

Ndërsa komisioni hetimor parlamentar u shty në kohë, e ‘vërteta’ po vazhdon të zbardhet. Ashtu siç ishte planifikuar, qëllimi është që Edi Rama të dalë i bardhë nga kjo histori.

Më shumë se kushdo tjetër, këtë gjë e tregon fjalimi i Lulzim Bashës sot në Kamëz.

Përpara të pranishmëve, Basha tha se Rama mund të jetë duar-jashtë nga kjo histori.

?Vetë qenia e Edi Ramës në krye të qeverisë, përbën një pengesë për një hetim serioz dhe të besueshëm. Edhe sikur ky të ishte duar-jashtë. Edhe sikur ne ta donim fort. Thjesht dhe vetëm për parimin më të shenjtë të drejtësisë, që nuk mund të veprojë, dhe nuk po vepron. E kundërta po ndodh,? tha Basha, duke amnistuar Ramën, kreun e ketij skandali.

Lideri historik i demokratëve, Sali Berisha ka akuzuar prej kohësh se qëllimi i komisionit hetimor parlamentar për inceneratorët ka qenë përdorimi për luftë të brendshme te e majta në pushtet, duke përdorur kështu opozitën e kapur.

Sot gjithçka doli në dritë. Vetëm Rama duhet të dalë i pastër, me duart jashtë kësaj historie. Siç e tha Lulzim Basha./syri tv





Lajmet e fundit nga