E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e dytë e Këshillit Kombëtar, ...

Basha bën zhurmuesin/ "3 anëtarë të PS në komision janë të përfshirë në aferën e inceneratorëve"

20 Shkurt 2022, 12:38, Politikë CNA

Lulzim Basha ka bërë zhurmuesin sot, ku në një deklaratë për mediat ka deklaruar se tre prej anëtarëve të PS në Komisionin Hetimor të Inceneratorëve janë në konflikt interesi, pra janë të përfshirë vetë në etapa të ndryshme të aferës.

Sipas Bashës kjo është arsyeja kryesore pse u urdhërua mbyllja e komisionit pak javë më parë.

?Kjo është arsyeja kryesore pse u urdhërua mbyllja e komisionit para dy javësh, pse gjatë kësaj jave anëtarët e PS kanë bërë zhurmuesin dhe kanë penguar ardhjen në komision të anëtarëve të komisioneve për inceneratorët. Janë njerëz relativisht të thjeshtë, nuk janë ministra apo drejtorë me makina luksoze. Janë njerëz të thjeshtë, që të vënë para të vërtetës së dhimbshme, ka rrezik të tregojnë të vërtetën para shqiptarëve. E vërteta është se shqiptarëve u janë vjedhur 430 milionë euro dhe këta janë detyruar të firmosin kundër ligjit. Që të mos tregojnë faktet, kolegët socialistë në komision kanë marrë përsipër të pengojnë ardhjen e atyre në komisionin hetimor, dhe kur vjen ndokush, të bëjnë zhurmuesin. Tre nga anëtarët socialistë të komisionit janë në konflikt interesi, pra janë të përfshirë vetë në etapa të ndryshme të aferës së inceneratorëve.

Të gjitha kanë dalë me fakte sot. Deri vitin e kaluar, ishin denoncimet tona, tani komisioni hetimor, që e penguan, e çuan në arrest kardiak dhe pastaj u detyruan ta rifillojnë, për shkak të qëndresës sonë, nxori fakte. Këta sillen sikur nuk ka ndodhur asgjë. Ju thonë shqiptarëve se është përgjegjësi personale. ?Nëse dikush ka ngjyer gishtin pas shpinës sime, le të mbajë përgjegjësi?, thoshte Rama nga SHBA. Po si ndodhka kjo, pasi aktet kanë ndodhur para syve të tij, jo pas shpine. Faktet janë në dritë të diellit. Java e parë i ka provuar të vërteta të gjitha denoncimet e PD. Thelbi është, 430 milionë euro u janë vjedhur shqiptarëve përmes një afere mafioze, ku koka e grupit që e ka bërë këtë të mundur është Edi Rama, Erion Veliaj, Ahmetaj, Gjiknuri, Agaci?, tha Basha./A.E-CNA.al