web counter
LEXO PA REKLAMA!

SHKARKO APP

App Store
Google Play

E fundit!

x

31 vjetori i krijimit të PD në Durrës/ Berisha: Moment reflektimi dhe bilanci, mbetemi forca më e madhe politike

28 Dhjetor 2021, 17:40, Politikë CNA

Ish kryeministri Sali Berisha ka qenë sot i pranishëm në ceremoninë festive të 31 vjetorit të krijimit të PD-së të Durrësit.

Gjatë fjalës së tij, teksa ka falenderuar çdo demokrat dhe anëtar të kësaj force politike, thekson edhe rëndësinë dhe nevojën që ka PD për tu ringritur.

Berisha theksoi se ky përvjetor është një moment reflektimi dhe bilanci për partinë, ku shtoi se PD ka qenë forca e parë në vend që solli pluralizmin dhe votën e lirë.

?Jeni sot promotor kryesor i kësaj përpjekje të madhe të PD për tëmarrë misionin e saj të një opozite të vërtetë dhe të përmbysë narkoshtetin si forcë qeverisje në krimin dhe drogën. Si një forcë qeverisje e cila meriton në ccdo aspekt regjimin më të keq.

Përvjetoret njësoj si ditëlindjet e njeriut janë momente reflektimi dhe bilanci. Si PD ne themeluam pluralizmin. Shënuam edhe vendosjen e votës së lirë të shoqërisë shqiptare. Sot pas 30 vitesh, PD mbetet një nga forcat politike më të mëdha. Duhet të pranojmë që forcat që përmbysën komunizmin, nuk i rezistuan kohës.

Misioni i tyre mbaroj. Kjo nuk ndodhi me PD. PD megjithë tronditjet e mëdha që pësoi, përsëri mbeti forcë kryesore politike  e vendit. Kishte rast dhe periudha shumë herë më të vëshira se simotrat e saj në vendet ish komuniste?, tha Berisha./CNA.al  





Lajmet e fundit nga