web counter
LEXO PA REKLAMA!

SHKARKO APP

App Store
Google Play

“Nuk kemi përfunduar akoma”/ Ahmetaj bën bilancin, sa familje kanë përfituar nga rindërtimi

28 Dhjetor 2021, 16:47, Politikë CNA

Zv. kryeministri njëherësh ministri i Shtetit për Rindërtimin Arben Ahmetaj, ka qenë i pranishëm këtë të martë në eventin e ndarjes së banesave për të prekurit nga tërmeti në qytetin e Laçit. Ai tha se janë rreth 49 familje aktualisht që kanë përfituar nga programi i rindërtimit dhe pritet që ky numër të shtohet në vitin e ardhshëm.

?Kryeministri ynë i kërkoi Presidentit të Turqisë ndihmë. Kryeministri i kërkoi atit një gjë specifike, dua ta bëj atë që do më jepni për popullin tim në Laç. Fjalë e dhënë fjalë e mbajtur. Të gjithë ne, jemi marrë çdo ditë me këtë kantierin tonë. Ja ku jemi, sot në një ditë të shënuar 524 familje marrin shtëpitë e reja falas. Kam falënderim për qeverinë turke, ambasadorin.

Janë sot me statistikë 49 mijë familje shqiptare që kanë përfituar nga të gjitha programet e rindërtimit. Do të numëroj se çfarë kemi dorëzuar deri më tani. Janë 1347 familje që sot kanë hyrë në shtëpi individuale. Janë 800 e ca apartamente të reja dhe familje që kanë një strehë më të fortë. Në Kavajë janë 41 shtëpi individuale dhe 153 apartamente që i dorëzuam dje. Për vitin tjetër janë vetëm shtëpi individuale dhe grante ndërtimi?, tha Ahmetaj./CNA.al





Lajmet e fundit nga