web counter
LEXO PA REKLAMA!

SHKARKO APP

App Store
Google Play

Skandali i publikimit të pagave/ Berisha: Shënon rrënimin e shtetit, ka futur familjet në konflikt

24 Dhjetor 2021, 20:28, Politikë CNA

Lideri historik, Sali Berisha ka komentuar edhe megaskandalin e publikimit të pagave, i cili po bën bujë ditët e fundit.

I ftuar në emisionin ?Zonë e Lirë? me  Arjan Çanin në Tv Klan,  Berisha ka theksuar se bërja publike e shifrave ka nxitur konflikte në familjet shqiptare.

Më tej ai ka komentuar edhe pagën e Drejtorit të Përgjithshëm të Top Channel, Ben Blushit dhe ka shprehur se punonjësit e atij televizioni duhet të ngrihen në grevë sepse janë shfrytëzuar dhe pa u paguar në proporcion me fitimin.

?Megaskandali shënon rrënimin e shtetit shqiptar. Shqipëria sot për mua dhe çdo njëeri që ka ABC-në e një shteti, shëmbëllen një ndërtese, të cilën Zotërit e saj vodhën dhe e kanë lënë terësisht rrënojë në natyrë. Ky është skandali më i madh në botë, kur një shtet, të gjithë database e tij digital e vë në funksion të botës së krimit, duke dhunuar çdo qytetar. Rrogat së pari dëshmojnë që ky shtet është thjesht një piramidë, ku dominon fund e krye mashtrimi. 

Nxjerrja e rrogave mbjell sherrnajën më të madhe në familjet shqiptare në radhë të parë. Familjet sot janë në kontributorë si aksionerë, ku anëtarët nuk dëshmojnë sa marrin, por përcaktojnë kuotën që japin. Janë me dhjetëra mijëra të tjerë që në gjyqe e procese tjetër pagë kanë deklaruar. Kjo ngjall sherr brenda famijeve, sipërmjarrjeve. Drejtori i Përgjithshëm i Top Channel ka marrë nga 1 mln e  gjysmë dollarë fitimi, 27 % të fitimit. Imagjino çfarë fitimi u ka ngelur punonjësve, aksionerëve të tjerë. K

a një moral në ndarjen e fitimit. Presidenti merr më shumë, por marrin në proporcion të gjithë. Këtu përfiton vetëm shushunja. Kanë të drejtë punonjësit e këtij televizioni të bëjnë grevë se janë shfrytëzuar nga një njeri që ka marrë 27 % të fitimit për veten e tij?, tha Berisha.





Lajmet e fundit nga