web counter
LEXO PA REKLAMA!

SHKARKO APP

App Store
Google Play

E fundit!

x

Harrohen mega-skandalet/ Rama, shpall referendumin për bashkëqeverisje

24 Dhjetor 2021, 12:28, Politikë CNA

Kryeministri Edi Rama ka lënë mënjanë mega skandalin që ka shpërthyer me hedhjen në publik të të dhënave private të mbi 600 mijë qytetarëve si dhe aferën korruptive të  inceneratorëve.

Rama sot ka dalë para gazetarëve duke prezantuar nismën ?Këshillimi Kombëtar për Shqipërinë?, dalë nga vendim i posaçëm i Qeverisë, siç deklaroi ai.

Më tej ai ka prezantuar çështjet që do të hedhë në referendum kombëtarë me anë të një pyetësori.

Rama u shpreh për një shtëpi të përbashkët, jashtë çdo lloj sherri dhe llogoreje, duke nënkuptuar kështu për një bashkëqeverisje të mundshme apo për një pakt politik me Lulzim Bashës, kryetarin e shkarkuar të PD-së.

?Me besimin se ne shqiptarët kemi mundësi të shkojmë shumë më shpejt përpara nëse e dëgjojmë më shumë njeri-tjetrin pa u ndarë në llogoret e vjetra politike që nxisin përçarje, sherr, konfuzion kundër interesit të familjeve shqiptare dhe pikërisht në prag të Vitit të Ri mundësish të reja, vjen dhe kjo nismë e re për këshillimin kombëtar për Shqipërinë.

Në pamje të parë duket sikur konsensusi lidhur me këtë është logjik. Por duam të sigurohemi që kemi jo mbështetje të një shumice që na ka votuar, por përtej saj. Për këtë arsye pyetësori shkon në këtë drejtim në lidhje me të ardhmen e shtëpisë sonë të përbashkët. Kësaj shtëpie i vijnë dëme pikërisht nga ndasia dhe sherri politik?, është shprehur Rama./CNA.al





Lajmet e fundit nga