web counter
LEXO PA REKLAMA!

SHKARKO APP

App Store
Google Play

“Çështja e inceneratorëve ka dalë përtej kufijve”/ Kryemadhi: Ndërkombëtarët po investigojnë

23 Dhjetor 2021, 20:48, Politikë CNA

Kryetarja e LSI, Monika Kryemadhi ka deklaruar se skema e inceneratorëve dhe transferimi i parave në kompani offshore ka zgjuar interesin jo vetëm të SPAK, por dhe të institucioneve të tjera të huaja dhe ndërkombëtare.

Në një dalje për mediat, Kryemadhi theksoi se skema e transferimit të parave në offshore është e bazuar në inceneratorin e Tiranës.

 ?Çështja e inceneratorëve tashmë nuk është më thjesht në dijeninë time, nuk është më thjesht çështje e Shqipërisë ajo ka dalë jashtë kufijve të Shqipërisë. Shumë institucione të huaja dhe ndërkombëtare po fillojnë të investigojnë për shkak se çështja e inceneratorëve nuk është më një çështje burokratike grabitja e një fondi të caktuar të buxhetit të shtetit. 

Por ndërtimi i gjithë skemës së inceneratorëve sidomos inceneratori i Tiranës funksionon si një offshore. Pra, çdo të thotë? Do të thotë fshehje e drejtëpërdrejtë e parave të këtij institucioni.

Prandaj sot, mendimi im është që SPAK është në provë më shumë se kushdo tjetër, është sepse ne vërtetë kemi bllokuar paratë e Klodian Zotos, por Klodian Zoto nga i ka marrë paratë e tjera që ka paguar kompanitë fiktive të cilat kanë bërë transferimin e parave në kompanitë e tjera. 

Kanë ardhur nga inceneratori i Tiranës i cili është furnizuesi kryesor me para të llogarive të Klodian Zotos të Albtech e të tjera me radhë?, tha Kryemadhi.





Lajmet e fundit nga