web counter
LEXO PA REKLAMA!

SHKARKO APP

App Store
Google Play

I braktisur nga demokratët/ Basha nis kërcënimet: E kanë vendin në burg, janë të korruptuar

23 Dhjetor 2021, 14:58, Politikë CNA

Kryetari i shkarkuar i PD Lulzim Basha ka nisur të kërcënojë deputetë dhe funksionarë të kësaj partie që i kanë dalë kundër dhe i janë bashkuar ish kryeministrit Sali Berisha.

Në një dalje për media, Basha u shpreh se të gjithë ish-funksionarët e PD-së që hiqen si filozof nëpër panele televizive dhe kanë si qëllim shfokusimin e vëmendjes nga aferat dhe skandalet e qeverisë, nuk janë gjë tjetër veçse disa të korruptuar që e kanë vendin në burg.

?Çdo përpjekje për të keqkuptuar demokracinë do të marrë përgjigjen që meriton. Ti e ndien që të protestosh? Jo nuk e ndien. Ku e di ti që sot bëhet protesta? Ky është një truk për të tërhequr vëmendjen, nuk është opozita problemi, është qeveria.

Opozita ka thërritur dhe do thërrasë protesta, problem nuk është te opozita. Shumë media, prodhojnë sondazhe fallco të paguara nga inceneratorët, shfokusojnë vëmendjen e qytetarëve nga hallet e përditshme për t?i dhënë kohën për spektakël hijeve të së shkuarës, duke i bërë shërbimin më të madh Edi Ramës.

Mungesa e transparencës dhe shfokusimi i vëmendjes janë dy nga problemet që përballet jo vetëm opozita por dhe shoqëria. Ftesa ime ndaj çdo mediave është të mos e shfokusojnë vëmendjen ndaj këtyre dy skandaleve. Mos ta shfokusoni vëmendjen si ata që merak të vetëm kanë karriget, si ata që jo vetëm sot po dhe dje me Partinë Demokratike i lidh karrigia, në momentin që nuk ishin më deputet iu kundërvunë kësaj partie.

Papritur na kanë zaptuar jo pak studio si filozofër dhe moralist, janë hajdutër që e kanë rrjepur PD-në dhe Shqipërinë për 8-vite me rradhë, janë të korruptuar e kanë vendin në burg po të funksionojë drejtësia?, tha Basha./E.K-CNA.al





Lajmet e fundit nga