web counter
LEXO PA REKLAMA!

SHKARKO APP

App Store
Google Play

Pazare për koalicion me Ramën/ Berisha tregon çfarë ndodhi pas humbjes

23 Dhjetor 2021, 21:19, Politikë CNA

Ish kryeministri Sali Berisha ka komentuar edhe prapaskenat e ditëve pas humbjes së zgjedhjeve të 25 prillit nga ana e Partisë Demokratike.

Në një dalje për mediat, ai theksoi se Basha i ka dërguar njërëz në zyrë, të huaj, për ta pyetur se çfarë mendon për një koalicion me Edi Ramën.

Berisha shprehet se e ka refuzuar kategorikisht një gjë të tillë dhe se ka qenë për mbajtjen e protestave të mëdha  dhe se shpallja e tij non-grata ka ardhur pas këtyre qëndrimeve, kundër një koalicioni me Ramën dhe kundër njohjes së zgjedhjeve të 25 prillit.

“Unë nxirrja Shqipërinë në rrugë dhe në shesh dhe ato zgjedhje nuk i pranoja. Lul Basha i çertifikoi. E thirra në zyrë, i thashë janë tre faktorë. Janë shkelur këto tre kritere, janë disbuarsuar 91 milionë euro në 4600 familje nga thesari. 

U përdorën bandat, por mbi të gjitha patronazhistët, që reagoi dhe Transparency International. Në vend të nismin betejën, ky i çertifikoi.

Mua më pyetën në fund të fushatës, çfarë mendon ti për një koalicion. Kategorikisht kundër. Më pyetën të huajt. Sigurisht, 100% nga ai.

Pyetja tjetër, të thuash nuk e pranoj, është një përgjigje. Të thuash nuk do të mund të bëhet, do të thotë do t’i kundërvihem me të gjithë mjetet. Këtë përgjigjen e dytë morën nga unë. Unë e konsideroj fatkeqësi të madhe.

Tre jave pasi humbi PD zgjedhjet, unë shpallem non-grata, sepse duhej hapur rruga që ky të shkonte në qeveri”, tha Berisha./CNA.al





Lajmet e fundit nga