web counter
LEXO PA REKLAMA!

SHKARKO APP

App Store
Google Play

E fundit!

x

“Duhet të ulen në një sofër politike”/ Kulluri mesazh demokratëve

24 Dhjetor 2021, 18:18, Politikë CNA

Ish anëtari i Këshillit Kombëtar, Edvin Kulluri ka inkurajuar çdo anëtarë të Këshillit Kombëtar dhe deputetë të Kuvendit dhe ata që kanë qëndruar krah kryetarit të shkarkuar Lulzim Basha, të bëhen promotor për uljen në një tryezë politike , për të shkuar drejt bashkimit dhe jo ndarjes.

Përmes një statusi në rrjetet sociale, Kulluri shkruan se, reformimi rrënjësor ideologjik i Partisë Demokratike është e vetmja mundësi për të dalë më të fortë nga debati dhe  ndarja.

Ai tregon se është i gatshëm të japë kontributin e tij për të ulur në një sofër politike demokratët.

“Të dashur miq! Jo vetëm deputeti Dash Sula që ka folur sot për mediat, por edhe deputetë apo edhe anëtarë të tjerë të Këshillit Kombëtar dje kanë folur për të gjetur një zgjidhje për krizën e rëndë të Partisë Demokratike në mbledhjen e thirrur nga Basha!

Personalisht inkurajoj çdo anëtar të Këshillit Kombëtar dhe deputetë të Kuvendit që kanë qëndruar pranë Bashës edhe pse jo të bindur që po bëjnë gjënë e duhur, që të bëhen promotor të uljes në një tryezë politike apo forume për të shkuar drejt bashkimit dhe jo ndarjes!

Njerëzit e arsyeshëm mbetën mend gjatë në politike! Dalja nga llogoret e ?republikës së re? dhe ?foltores? për të hyrë në një proces zgjedhor në të gjitha nivelet dhe mbi të gjitha reformimi rrënjësor ideologjik i Partisë Demokratike janë e vetmja mundësi për të dalë më të fortë nga ky debat dhe ndarje!

Palët të njohin përgjegjësitë duke ofruar dialog dhe debat serioz për të ardhmen e PD! Ata që kanë përgjegjësi për degradimin demokratik dhe ideologjik të partisë si drejtues por edhe ata që me heshtjen e tyre deri më 9 shtator, duhet të lënë mënjanë ?armët? dhe ti kthehen ?fjalëve?!

Si dikush që kam mbajtur qëndrime të qarta dhe të vendosura ndaj leadershipit të Bashës, jam i gatshëm të jap kontributin tim për ti ulur demokratët në të njëjtën ?sofër politike?! Me shpresën se jemi ende në kohë, uroj që ky mesazh të lexohet me vullnet pozitiv nga anëtarët e Keshillit Kombëtar të Partisë Demokratike dhe të tjerë individ që kanë mbetur jashtë këtij forumi të lartë vendimmarrës!“,shkruan Kulluri./ A.E-CNA.al





Lajmet e fundit nga