E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

“Narkoshteti apo shteti terrorist”/ Berisha: Protesta është shpëtimi i Shqipërisë

24 Dhjetor 2021, 17:48, Politikë CNA

Pas skandaleve të publikuara së fundi me të dhënat personale të shqiptarëve, ku pas daljes së pagave, u publikuan targat e makinave dhe numrat e telefonit të shumë qytetarëve, ish kryeministri, Sali Berisha shprehet se vetëm protesta është shpëtimi i Shqipërisë nga narkoshteti dhe shtetit terrorist.

Përmes një postimi në rrjetin social Facebook, Berisha akuzon drejtpërdrejt kryeministrin Edi Rama si përgjegjësin kryesor për daljen e të dhënave, ku thekson se ky i fundit ka sekuestruar serverat nga Tatimet dhe i ka dërguar në selinë e PS.

?Narkoshteti apo shteti terrorist ndaj qytetarëve të tij!

Protesta dhe vetëm protesta është shpëtimi i Shqipërisë.

Miq, si në asnjë vend tjetër të botës, demokraci qoftë apo diktature nuk ndodh kjo që ka ndodhur në Shqipëri: Gjithçka në duart e mafies dhe krimit të organizuar.

Në Shqipëri si në asnjë vend të botës të gjitha sistemet dixhitale të narkoshtetit janë në kontroll të plotë të mafies shtetërore të drogës dhe krimit, e cila përdor të dhënat e tyre për terror psikologjik, partiak, politik, financiar, ekonomik, elektoral, banditesk të narkoshtetit dhe bandave të tij ndaj qytetarëve.

Nxjerrja e të gjithë databazës së shtetit, de facto narkoshtetit, pra te të gjitha të dhënave të privatësisë së qytetarëve nga kreu i Meduzës Edi Rama dhe banda e tij për të maskuar skandalet monstruoze me aferat e djegsave, arbitrazheve, PPP, koncesioneve, prokurimeve sekrete që sipas Kontrollit të Lartë të Shtetit arrijnë në 8,2 miliard euro, përbën aktin më të rëndë dhe më të pashembullt në historinë e një shteti.

Ky proces antikushtetues nisi me angazhimin direkt të Edi Ramës në plaçkitjen e 20 milionë deklaratave në serverin e tatimeve, dërgimin në selinë e PS në duart e patronazhistëve të të dhënave personale të rreth 1 milione shqiptarëve për terror elektoral dhe vazhdoi me publikimin e rrogave të mbi 600 mijë punonjësve publik dhe privat vendas dhe të huaj të Shqipërisë dhe së fundi publikimi i të gjitha targave të lëshuara në Shqipëri duke bërë kështu objekt sulmesh të qindra mijra shqiptarëve nga narkoshteti dhe bandat e tij mafioze!

Ky megaskandal i pandodhurkund në botë është një thirrje, një kushtrim për opozitën dhe mbarë shoqërinë shqiptare të ngrihen në protestat më të fuqishme që vendi ka njohur këto 30 vite për përmbysjen sa më parë të rregjimit mafioz kriminal të kreut të meduzës Edvin Kristaq Rama dhe narkoshtetit të tij në Shqipëri. Sb?, shkruan Berisha./ A.E-CNA.al