web counter
LEXO PA REKLAMA!

SHKARKO APP

App Store
Google Play

“Takim me kundërshtarët”/ Berisha: Me Bashën jo, nuk i jepet dora një besëpreri

13 Dhjetor 2021, 21:21, Politikë CNA

Lideri historik, Sali Berisha deklaroi se do të thërrasë në vijim deputetët e PD-së në një takim, përfshirë këtu edhe ata që i kanë dalë kundër dhe janë në mbështetje të Bashës.

Nga ana tjetër, ish kryeministri theksoi se me Bashën nuk do të takohet, pasi shprehet se nuk i jepet dora një besëpreri.

“Do t?i thërras deputetët e PD. Deri tani kam qenë në një process intensive pune. Qëndrimi i tyre se në këtë përplasje të anësohen, nuk mund të mos respektohet nga unë. Tani që mbaroi Kuvendi, ftoj secilin të pajtohet me vendimet e Kuvendit. Vendosën vlerat më të arrira të lirisë.

Nuk përjashtoj asnjë. Qëllimi ynë është të bashkohemi. Ka një çështje të tmerrshme etike në kod moral, besëprerit dora nuk i jepet. Kjo është një traditë, atij që të pret në besë nuk ia japin dorën.

Basha mbetet deputet i PD, nuk përjashtoj njeri nga PD, është parti e diversitetit. Me Sali Berishën kjo parti e ka të sigurt ardhjen në pushtet. Ky është një rikthim, vjen nga një thirrje e brendshme e shoqërisë. 

Jam i sigurtë që ky narkoshtet do të çmontohet dhe opozita do të vijë në pushtet. Jam i bindur që marrëdhëniet e PD me SHBA do të vijnë në nivelet më të larta. Në pushtet s?kam bërë dallime se kush është në pushtet në SHBA?, tha Berisha./CNA.al





Lajmet e fundit nga