web counter
LEXO PA REKLAMA!

SHKARKO APP

App Store
Google Play

E fundit!

x

“Basha i braktisur dhe i shkarkuar”/ Bumçi: T'i linte një gram respekt vetes duke dhënë dorëheqjen

13 Dhjetor 2021, 19:01, Politikë CNA

Ish-deputeti i PD, Aldo Bumçi deklaroi se Lulzim Basha është i braktisur dhe i shkarkuar nga Kuvendi.

Në një deklaratë për mediat, Bumçi shtoi se mund ta kishte mbyllur këtë çështje me dinjitet, duke dhënë dorëheqjen dhe t?i linte pak respekt dhe dinjitet vetes.

“Kuvendi e ka shkarkuar Bashën. Ai e di shumë mirë opinioin e demokratëve, se ndryshe do të kishte thirrur një votëbesim. Në 11 dhjetor Kuvendi kishte mbi 4900 delegatë dhe po aq pothuajse anëtarë të thjeshtë dhe mbështetës. Kurse në oborrin e PD në të njëjtën orë ishin jo më shumë se 200 persona, duke përfshirë edhe kameramanët dhe gazetarët.

Ai është i braktisur dhe i shkarkuar nga Kuvendi. Ditën e shtunë do të shkarkohet me një votë masive të anëtarësisë nga Shkodra në Sarandë, nga Kukësi në Korçë. Më vjen keq që e mbylli kështu. Mund ta kishte mbyllur me dinjitet, duke dhënë dorëheqjen. T’i linte një gram respekt dhe dinjitet vetëvetes, por duket se ka marrë një rrugë tjetër, nuk është më vetëvetja.

Zoti Basha nuk mund të thotë se më shkarkuan 4446 delegatë, por do të jetë e gjithë vota e të gjithë anëtarësisë së PD, masive, që do të tregojë vullnetin e tyre. Ne ftojmë të gjitha strukturat, kryetarët e PD, të cilët nuk i janë bashkuar deri tani Foltores, t’i krijojnë të gjitha mundësitë demokratëve në zonat që ata drejtojnë, për të zhvilluar një proces demokratik, siç i ka hije demokratëve.

I bëjmë thirrje deputetëve që të bëhen pjesë e ringritjes. Ata janë njerëz politikë, deputetë dhe kryetarë partish dhe duhet të përfaqësojnë njerëzit në këto poste. Demokratët janë masivisht pro ndryshimit dhe pro nismës së deputetit Berisha“, tha Bumçi./CNA.al





Lajmet e fundit nga