web counter
LEXO PA REKLAMA!

SHKARKO APP

App Store
Google Play

E fundit!

x

‘Berisha politikan i veçantë’/ Fevziu: Isha i bindur që do të ‘vdiste’ në betejë

13 Dhjetor 2021, 21:04, Politikë CNA

Gazetari Blendi Fevziu, duke komentuar zhvillimet e fundit në PD, tha se Sali Berisha është një politikan i veçantë, dhe se ka qenë i bindur se ai nuk do të tërhiqej nga politika.

Megjithatë arritja e tij deri në këtë pikë ishte diçka e papritur, ka shtuar Fevziu.

?Për mua ishte e papritur. Sali Berisha është një politikan i veçantë, isha i bindur që do të vdiste në betejë, në kuptimin që nuk tërhiqej, unë nuk e di sa do të shkonte beteja. Nuk e kisha imagjinuar që mund të shkonte në këtë nivel që shkoi, edhe pse besoja se ai është njeri i paepur. Ndërkohë që kolegë të mi që e njohin politikën po aq vite sa unë, gati 30 vjet, i jepnin një kohë edhe më të shkurtër, mendonin që kjo ishte një gjë që nuk do t?i jepte atij më shumë mundësi. Unë nuk di nëse ka pasur ndonjë entuziast jashtë emocionit, pra jashtë pjesës të të qenit fans, që mund të ketë besuar që Berisha do arrinte deri këtu. Unë vetë nga njerëzit e mi, vështirë që të them. Kam qenë i bindur që do luftojë, kam qenë gjithmonë që i bindur që nuk është një politikan që e përzënë nga dera dhe ai ikën kokëulur?, tha ai.

I pyetur sesi e arrin këtë, Blendi Fevziu thotë se është fare e thjeshtë?

?Veç karizmës së tij politike, veç faktit që ngjall besim tek njerëzit, që vjen po nga karizma e tij politike, është humbja dhe pashpresa e PD që lidhet me Lulzim Bashën. Përderisa Lulzim Basha humbi zgjedhjet për herë të 2 ose të 4 dhe 5 duke futur dhe zgjedhjet lokale, shpresa që ky njeri që ka humbur 4 herë, të fitojë zgjedhjet për herë të 5 është thuajse e pamundur. Kështu që çdo njeri në PD, mbështetës e kupton këtë?./CNA.al





Lajmet e fundit nga