E fundit!

14:43 Politikë

Reforma Territoriale/ PD kërkon shtyrjen e afatit të komisionit

Komisioni i Posaçëm për Reformën Administrativo-Territoria...

"Koha e kukullave dhe humbjeve ka mbaruar"/ Noka: Demokratët janë në këmbë për të shpëtuar PD

13 Dhjetor 2021, 19:08, Politikë CNA

Deputeti demokrat Flamur Noka ka komentuar deklaratat e Lulzim Bashës, duke thënë se tashmë ai reciton para shqiptarëve të njëjtën vjershë që përsërit pas çdo humbje.

Noka shkruan se në 11 Dhjetor demokratët shkruajtën historinë duke shpëtuar Partinë Demokratike dhe pluralizmin politik nga pengmarrja.

Sipas deputetit demokrat Referendumi i datës 18 Dhjetor do jetë dita kur demokratët do ndahen nga humbja dhe pengmarrja.

?Pas 4 humbjesh rradhazi, kukulla e Edi Ramës që pak muaj më parë i dhuroi atij mandatin e tretë në pushtet, recitoi para shqiptarëve vjershën tashmë bajate që përsërit pas çdo humbje për beteja imagjinare që sapo kanë filluar!

Halli më i madh i demokratëve dje, pardje dhe sot janë tre mandate të regjimit më të korruptuar të Europës që vazhdon të qëndrojë në pushtet sepse ka kapur dhe korruptuar kukullën e tij në Partinë Demokratike!

Demokratët humbasin sepse Basha bën pazar me sakrificat e tyre!

Demokratët dështojnë sepse Basha pasurohet mbi kontributet e tyre! Demokratët braktisin Shqipërinë sepse kur votat e tyre vidhen ndërsa kukulla e Ramës mbush xhepat dhe tradhëton betejën kundër atij që i vodhi!

Por luani brenda çdo demokrati është zgjuar!

Në 11 Dhjetor demokratet shkruajtën historinë duke shpëtuar Partinë Demokratike dhe pluralizmin politik nga pengmarrja!

Në datën 18 Dhjetor demokratët në gjithë Shqipërinë do i heqin përfundimisht Lulzim Bashës mundesinë për t?i shitur e për t?i tradhëtuar! Gjatë 8 viteve nën drejtimin e Lulzim dështakut, demokratët kanë provuar vetëm shijen e hidhur të humbjeve!

Në datën 18 Dhjetor rrethi vicioz i dështimeve për hir të pazareve të Bashës do marrë fund!

Referendumi i datës 18 Dhjetor do jetë dita kur demokratët do ndahen nga humbja dhe pengmarrja!

Koha e kukullave dhe humbjeve ka mbaruar! Demokratët janë në këmbë për të shpëtuar Partinë Demokratike dhe Shqipërinë! Vetëm të bashkuar do mund të fitojmë!

Komisioni i Rithemelimit?, shkruan Flamur Noka./ A.E-CNA.al