web counter
LEXO PA REKLAMA!

SHKARKO APP

App Store
Google Play

E fundit!

x

Flasin hapur delegatët e Kurbinit/ “Kemi firmosur me vullnet të lirë për 11 dhjetorin”

2 Dhjetor 2021, 19:34, Politikë CNA

Sipas një investigimi të realizuar nga gazetari Aulon Kalaja për emisionin ?Të Vaksinuarit?, është verifikuar që delegatët e Kurbinit kanë firmosur dhe kërkojnë thirrjen e Kuvendit Komëbtar në datë 11 dhjetor, pasi e shohin Sali Berishën si shpresën për të larguar Lulzim Bashën, për të cilin ndihen të zhgënjyer.

Në Kurbin nga totali prej 133 delegatësh në total, ku 10 prej tyre rezultojnë jashtë Shqipërisë, 93 delegatë kanë firmosur me vullnetin e tyre të lirë.

?-Quhem Lindita Toma, kryetare e LDG në Kurbin. Kam firmosur formularin me vetëdije të plotë për çdo gabim të bërë nga zoti Basha në këto 8 vite. Mjaft më! Nuk mundemi më shumë! Gjithë së bashku të mblidhemi te kuvendi i Sali Berishës.

-Quhem Akil Margjeka, kryetar seksioni dega Mamurras. Deklaroj që kam vendosur me vullnet të plotë për plotësimin e formularit për mbledhjen e Kuvendit Kombëtar, e cilësoj të vonuar.

-Jam Oligert Musta, delegat i Forumit Rinor dega Kurbin. Kam firmosur për thirrjen e Kuvendit në datë 11 dhjetor.

-Jam Kastriot Marku, kryetar grupseksioni Laç. Kam firmosur formularin për mbledhjen e Kuvendit në 11 dhjetor. Si unë kanë firmosur dhe 80% e Kurbinit. Basha duhet tas kuptojë që 80% e Kurbinit nuk e duan por mbështesin Foltoren e Berishës. Kurbinin e ka dëmtuar më shumë se të gjitha qarqet e tjera.

-Jam Mariglen Doçi, kryetar i FRPD në Mamurras. Kam firmosur sepse e kam vlerësuar si diçka të domosdoshme jo vetëm për përjashtimin e Sali Berishës por dhe për shumë probleme të tjera.

-Quhem Gjon Sefgjinaj, ish i burgosur politik, kryetar grup seksioni dega Kurbin. Kam firmosur me vullnet të lirë për mbajtjen e Kuvendit Kombëtar në datë 11 dhjetor.

-Unë jam Erjon Prenga, kryetar i FRPD në Laç. Kam firmosur me vullnet të lirë për Sali Berishën. Në datë 11 do të shkojmë për Sali Berishën, sepse me Lulzim Bashën nuk kemi punë me me të?, shprehen delegatët para mediave./CNA.al





Lajmet e fundit nga