web counter
LEXO PA REKLAMA!

SHKARKO APP

App Store
Google Play

“U bë milioner” në PD/ Nga prona tek llogari bankare, kjo është pasuria e Gazment Bardhit

2 Dhjetor 2021, 16:51, Politikë CNA

Sekretari i përgjithshëm i PD, njëherësh edhe deputet i kësaj force politike Gazment Bardhi zotëron në pronësi të tij një pasuri prej disa milion euro.

Në deklarimin që ai ka bërë në ILDKPI, Bardhi në deklarimin fillestar 2021 shprehet se ka në pronësi një shtëpi banimi me sipërfaqe 103.63 metra katror, e cila kap vlerën e 47 mijë euro. Për burimin e kësaj pasurie Bardhi deklaron të ardhura familjare dhe kredi bankare, në një bankë të nivelit të dytë.

Po ashtu, ai deklaron në pronësi të tij edhe një objekt, me funksion njësi tregëtare në qytetin e lindjes, Kavajë, me sipërfaqe 46 metra katror dhe me një vlerë prej 120 mijë euro, raporton CNA.al.

Por në Kavaja ai deklaron se ka në zotërim një ndërtesë prej 12 metra katrorë me funksion Njësi tregëtare e cila kap vlerën e 15 mijë euro , si dhe një truall 176 metra katror dhe ndërtesë 99 metra katrorë me vlerë 65 mijë euro.

Si burim për krijimin e kësaj pasurie, Bardhi deklaron të ardhura familjare, kredi, kontratë dhurimi dhe trashëgimie. Deputeti i PD-së deklaron edhe një llogari bankare me vlerë 3 milionë lekë.

Të ardhurat e deklaruara nga Gazment Bardhi:

Paga si punëmarrës në Kuvendin e Shqipërisë në detyrën e Këshilltarit Ligjor të grupit parlamentar të PD- 1.144.946 lekë

Të ardhurat nga pjesëmarrja si ekspert pranë Komisionit të Posaçëm Parlamentar të Reformës në Drejtësi nga Kuvendi dhe Fondacioni Shoqëria e Hapur- 665.720 lekë

Të ardhura nga paga si Sekretar i Përgjithshëm i PD-840.123 lekë

Të ardhura nga qeraja e një objekti tregtar në Kavajë- 320.000 lekë./CNA.al





Lajmet e fundit nga