web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi “shuplakë” Bashës/ “Kemi 8 vite që shesim humbjen për fitore”

2 Dhjetor 2021, 18:58, Politikë CNA

Kryetari i FRPD, Belind Këlliçi komentoi dhe tregoi detaje për organizimin e Kuvendit Kombëtar të 11 dhjetorit.

Në një dalje për mediat, ai theksoi se Foltorja dhe lideri historik, Sali Berisha janë aktualisht shumica absolute në radhët e demokratëve, ndërsa Lulzim Basha është pakica.

?Kuvendi i 11 dhjetorit është një ngjarje e jashtëzakonshme. është e vetmja mundësi për t’i dhënë zgjidhje krizës së jashtëzakonshme në PD. Deri para pak ditësh lidershipi ka refuzuar të pranojë që ka një krizë. 

Dhe problemi është se kriza nuk është statutore, nuk është burokratike, por është thellësisht politike dhemënyra e zgjdhjes është politka. Thirrja e Kuvendit për herë të parë në 31 vite nga gati 5 mijë delegatë dhe do ta kalojë këtë shifër, vijnë kërkesa nga anëtarët që thonë se ky Kuvend duhet të bëhet nëe sallë të hapur në stadium. 

Kjo ngjarje e jashtëzakonshme që rikthen demokracinë e drejtpërdrejtë dhe rolin vendimtar që ka shumica në një vend sovran. Sot Foltorja dhe z.Berisha janë sot shumicë absolute e padiskueshme. Shifrat i shihni. 

Në degët e Tiranës, Durrësit, Sarandës, që janë bërë publike, janë 75-80% e delegatëve që kanë firmosur. Pjesa tjetër që nuk kanë patur mundësi të firmosin janë në emigracion. Pra kjo tregon nevojën akute që ka PD për debat të brendshëm, për ndryshime në PD dhe rikthimin e mentalitetit fitues në PD. 

Kemi 8 vite që shesim humbjen për fitore. Nuk pranon as kritika, as të vendosë nenin që këtë radhë me krenari e them që është propozuar nga një masë dërrmuese e delegatëve, që kryetari që jep humb zgjedhjet, do të japë dorëheqjen dhe do të quhet neni ‘Basha’.  Në datën 11 dhjetor duhet të ketë një përgjegjësi për t’i garantuar pakicës që është zoti Basha të drejtën e fraksioneve”, tha Këlliçi./CNA.al





Lajmet e fundit nga