LEXO PA REKLAMA!

SHKARKO APP

E fundit!

x

Përjashtimet tatimore/ Sa fiton buxheti?

15 Nëntor 2021, 11:08, Ekonomi CNA
Përjashtimet tatimore/ Sa fiton buxheti?

Përjashtimet tatimore të tilla, si diferencimi i TVSH-së, akcizës dhe Tatim Fitimit për disa sektorë e çuan vlerën e taksave të munguara në buxhetin e vitit 2021 në 1,7 miliardë lekë ose sa 5.4% PBB-së.

Përjashtimet tatimore, konsiderohen humbje nga të ardhurat fiskale të parashikuara në legjislacionin fiskal në fuqi, si rezultat i lehtësirave fiskale ose normave preferenciale të vendosura për kategori të caktuara tatimpaguesish ose aktivitetesh.

Pjesa më e madhe e përjashtimeve tatimore i takon Tatimit mbi Vlerën e Shtuar, shkruan RTSH.

Për vitin 2021 përjashtimet nga TVSH-ja zënë një vlerë prej 91 miliardë lekësh ose 5.3 % e PBB-së. Pikërisht 91 miliardë lekë është edhe masa e subvencionit të pensimeve nga buxheti i shtetit për të gjithë kategoritë e pensionistëve. E thënë ndryshe, nëse nuk do të ishin këto përjashtime, në 2021, pensionet do të ishin shtuar edhe me 91 miliardë lekë, afërsisht sa dyfishi i atyre ekzistuese.

Fondi Monetar Ndërkombëtar kishte kërkuar heqjen e përjashtimeve tatimore në rishikimin e post-programit me Shqipërinë. Përjashtimet tatimore veç të tjerash krijojnë hapësira të reja për evazion fiskal, kështu që humbjet në të ardhura pas çdo përjashtimi janë edhe më të mëdha.

Ndaj Fondi Monetar Ndërkombëtar rekomandon që Shqipëria të aplikojë një sistem të thjeshte taksash pa pragje dhe përjashtime, skemë e cila do të lehtësonte barrën si për bizneset ashtu edhe për administratën fiskale.

Po cilat janë disa nga përjashtimet më të mëdha tatimore? Në ndërtim; Furnizimi i ndërtesave; tokës, dhënia me qira për veprimtari të mëdha tregtare; madje dhe ndërtesat në zona rezidenciale, janë përjashtuar nga TVSH;

Në  industrinë hidrokarbure; biokarburantet janë të çliruara nga AKCIZA prej vitesh; furnizimi i jahteve me karburant, faktikisht është i përjashtuar nga AKCIZA dhe çdo tatim;

Në  industrinë e turizmit; tatim fitimi në Hotele me 5 yje është zero,; TVSH e jahteve që blihen e regjistrohen  në Shqipëri është zero.
Në industrinë e pijeve; Pragjet në sasi prodhimi janë një mashtrim i madh, evazion po aq. Akciza e pijeve energjike, pijeve me sheqer të shtuar e gaz, duhet të rivendoset tani.

Në këtë shënim nuk po flasim për tëe ardhurat e përjashtuara, sepse ato janë të shumta.

Me ekspertizën e Fondit Monetar Ndërkombëtar qeveria për herë të parë po miraton një paketë fiskale tre vjeçare. Nga heqja e përjashtimeve qeveria pritet të rrisë të ardhurat tatimore mbi 3.1 për qind vitin që vjen.FMN lajmëroi se, nëse nuk hiqen këto pragje, projekti i fiskalizimit nuk do të japë rendimentin që pritet.

Lajmet e fundit nga