web counter
LEXO PA REKLAMA!

SHKARKO APP

App Store
Google Play

Tërheqja e Berishës në 2013/ Topalli: Rruga ishte e shtruar për Lulzim Bashën

1 Nëntor 2021, 20:56, Politikë CNA

Ish kryeparlamentarja, Jozefina Topalli, ka zbuluar se pas tërheqjes së Sali Berishës nga politika në vitin 2013, dy ishin kanditatët për kryetar partie të PD, i ndjeri Sokol Olldashi dhe Lulzim Basha.

E ftuar në emisionin ?Quo Vadis? në Vizion Plus, e pyetur nga moderatorja nëse e ka menduar ndonjëherë veten si kryetare të PD, ish kryeparlamentarja Jozefina Topalli tha se në atë kohë kishte kuptuar që rruga ishte e përgatitur për Lulzim Bashën.

?Atë kohë kisha kuptuar se rruga ishte përgatitur për Lulzim Bashën. Çdo gjë ishte përgatitur për Bashën. Çdo gjë që ka e ka nga Berisha. Por ka diçka tjetër përtej Berishës që unë ende nuk e kam përgjigjen?, është shprehur Topalli.

Ndër të tjera ajo ka theksuar se nuk e kishte imagjinuar kurrë që Basha do të digjte mandatet dhe nuk do të futej në zgjedhje.

?Nuk e imagjinoja se do të digjte mandatet dhe nuk do të merrte pjesë në zgjedhje, nuk e kisha imagjinuar kurrë?, tha Topalli.

Gjithashtu ka komentuar edhe mbledhjen e Kuvendit Kombëtar, duke theksuar se e vetmja gjë që ka në dorë Basha është vula,por pas mbledhjes së Kuvendit nuk do të ketë asnjë vlerë.

?Ai e mban fort vulën, por nuk do të ketë asnjë vlerë pas mbledhjes së Kuvendit Kombëtar?, shton Topalli./ CNA.al





Lajmet e fundit nga