web counter
LEXO PA REKLAMA!

SHKARKO APP

App Store
Google Play

Komisioni për Reformën Zgjedhore bashkon PS dhe PD/ Balla i përgjigjet Opozitës

1 Nëntor 2021, 12:54, Politikë CNA

Komisioni për Reformën Zgjedhore duket se bashkon në një qëndrim mazhorancën dhe opozitën.

Kreu i grupit parlamentar të PS, Taulant Balla në një deklaratë për mediat shprehu gatishmërinë e mazhorancës për t?iu përgjigjur pozitivisht kërkesës së PD për ngritjen e një Komisioni të Posaçëm për Reformën Zgjedhore.

Ndër të tjera ai falenderoi grupin parlamentar të PD, që sipas tij ka bërë propozime konkrete.

Po ashtu ai tha se PS ka propozuar si bashkëkryetar të këtij Komisioni, deputetin Damian Gjiknuri.

?Komisioni i Posaçëm për Reformën Zgjedhore, ne kemi propozuar që në fillim të legjislaturës ta ngremë sa më parë.

Falenderojmë grupin parlamentar të PD, që erdhi me propozime konkrete. Ne kemi vendosur që si bashkëkryetar të propozojmë si bashkëkryetar Damian Gjiknurin.

Ndaj le të vijojë puna, duke respektuar edhe të gjithë përfaqësimin parlamentar që kemi në kuvendit të Shqipërisë. Në këtë këndvështrim, sapo projektvendimi të jetë gati, sapo PD të propozojë bashkëkryetarin e tyre, ne të kalojmë në Kuvend ngritjen e komisionit të posaçëm.

Propozimet kanë mbështetje prej më shumë se 28 deputetëve. Kuvendi e cakton qartë se si mbështeten nismat. Sapo të jetë plotësuar ky afat kryetrari i Kuvendit të thërrasë mbledhjen e përbashkët të Këshillit të Legjislacionit. Në këtë dispozitë të përcaktuar nga rregullorja, të jeni të sigurt se zonja Nikolla është mbi palët dhe do të respektojë rregulloren. Ju jeni vënë në dijeni. Do të kemi sot mbledhjen e parë të Këshillit të Legjislacionit dhe ligjeve. Propozimi ynë për ndryshimet kushtetuese është propozim që është rekomanduar nga miqtë ndërkombëtar të Shqipërisë, pasi ka të bëjë me çështje teknike për vijimin e një procesi historik, siç është sistemi i Vettingut?-tha Balla./CNA.al





Lajmet e fundit nga