web counter
LEXO PA REKLAMA!

SHKARKO APP

App Store
Google Play

“Basha u ka bërë pabesi demokratëve”/ Hoxha: 11 dhjetori, fillim i ri për PD

31 Tetor 2021, 16:11, Politikë CNA

Ish nënkryetari i FRPD Lisandër Hoxha komentoi mbrëmjen e sotme zhvillimet politike në Partinë Demokratike dhe mbajtjen e Kuveëndit Kombëtar në 11 dhjetor, datë kjo e lajmëruar pak ditë më parë nga ish kryeministri Sali Berisha.

Në një intervistë për Syri Tv me gazetare Megi Fagu, Hoxha deklaroi se 11 dhjetori do jetë fillimi i ri në PD, duke shtuar se tre të katërtat e demokratëve kanë firmosur për Kuvendin Kombëtar.

Hoxha theksoi se PD duhet të strukturohet sipas parimeve europiane dhe të jetë një parti e denjë për tu ballafaquar me qeverinë, ndërsa akuzoi kryedemokratin Lulzim Basha se u ka bërë shumë pabesi demokratëve.

“Data 11 dhjetor do të shënojë fillimin e ri për PD-në. Atë ditë do të vendosë vullneti i demokratëve, që të kthejmë Partinë Demokratike në qeveri, të ndryshojmë politikën e ta kthejmë konservatore, se po flitet për turp për ?prindi 1? dhe ?prindi 2?. T?ju kthejmë demokratëve dinjitetin.

Kuvendi Kombëtar është shumë i rëndësishëm për PD-në, unë kam kërkuar hapjen e debatit në PD, këtë që po kërkon sot Berisha. Imagjinoni një opozitë që shihet si patericë e qeverisë, demokratët paskan qenë shumë të duruar e ky durim ka një kufi.

Duhet që emigrantët të votojnë. Kuvendi ka të drejtë që të mblidhet me firma dhe tre të katërtat e demokratëve kanë firmosur për të mbledhur Kuvendin Kombëtar. Rama i ka dhënë përgjigjes Bashës, duke i thënë se ti hyn nga dera e pasme e PD-së.

PD duhet që të strukturohet sipas modelit europian dhe të ballafaqohet me Ramën. Duhet që të dalim në protesta dhe protestat të prihen nga njerëz të ndershëm. Basha ka bërë pabesi ndaj demokratëve. Borxhi publik ka arritur rekordet. Nuk ka prova për Berishën, nuk mund ta dënojmë se thotë Soros a Rama.

PD nuk është forcë antiamerikane“, u shpreh Lisandër Hoxha./CNA.al





Lajmet e fundit nga