web counter
LEXO PA REKLAMA!

SHKARKO APP

App Store
Google Play

Basha braktiset nga një tjetër demokrat/ ‘Berisha të marrë në dorë fatin e PD’

31 Tetor 2021, 13:50, Politikë CNA

Renato Preza, ish kreu i Partisë Demokratike Pogradec, ka dalë me një reagim në rrjetet sociale, ku shkruan se PD ka nevojë për një shpresë të re.

Ai gjithashtu përgëzon ish liderin Sali Berisha, për Foltoren e krijuar,  për zërin demokrat të lirë dhe që mund të shprehen, të mobilizohen dhe të marin në dorë fatin e PD-së

?Jam për një Parti Demokratike më të fortë, më të hapur, dhe anëtarësia e saj duhet të vendosë për çështje madhore, – një nga këto është edhe ndryshimi i Udhëheqjes Qëndrore aktuale brenda partisë duke filluar nga kryetari i saj.

Partia Demokratike e Shqipërisë ka nevojë për një shpresë të re, për kalibrim themelor të djathtë konservative, të ngrejë vlerat e familjes si dhe të forcojë shoqërinë duke minimizuar kontrollin e shtetit, – shumica e shoqërisë të udhëheqë vetëm me përfaqësues të votuar.

Përgëzoj pa masë iniciativën e Prof. Dr. Sali Berishës për foltoren e krijuar, për zërin demokrat të lirë dhe që mund të shprehen, të mobilizohen dhe të marin në dorë fatin e PDsë si edhe ti japim Shqipërisë një opozitë që të balancojë pushtetet, të garantojë lirinë, të modelojë forcimin ekonomik të vendit si dhe të shpërndajë saktë dhe të balancuar të ardhurat dhe të mirat e vendit për interes të shqipëtarëve.

Të vërtetat duhet të jenë ato që të na udhëheqin dhe jo pazaret, jo kompromentimet, dhe aspak jo gjithçka që shkatëron dhe çekuilibron raportet sociale dhe politike.

Një udhëheqje e shkëputur nga baza dhe e kompromentuar është vetëm sipërfaqësore, vetëm për interesa të ngushta dhe personale, ndërton raporte për familjarët, etj., duke haruar që janë të votuar dhe duhet të votohen, – më tej një udhëheqje e tillë vetëm shkatëron dhe nuk ndërton!

Ne, demokratët kemi fatin e Shqipërisë në dorë, duke kalibruar saktë PDnë.

Mirëpres Dr. Berishën në Pogradec!?/CNA.al





Lajmet e fundit nga