web counter
LEXO PA REKLAMA!

SHKARKO APP

App Store
Google Play

Atentatet mafioze dhe grabitjet me maska/ "Zgjohet" Meta

25 Tetor 2021, 08:20, Aktualitet CNA

Presidenti Ilir  Meta ka reaguar lidhur me dy ngjarjet kriminale të ditëve të fundit, ajo e vrasjes së biznesmenit Demir Backa në qendër të Fierit, si dhe grabitja dhe torturimi i biznesmenit Nazim Çangu në Nikël të Krujës.

Nëpërmjet një statusi në rrjete sociale, Presidenti thekson se këto ngjarje përbëjnë një kërcënim serioz për rendin, sigurinë e jetës dhe pronës së qytetarëve, por edhe për zhvillimet ekonomike dhe sociale të vendit.

?Dënoj me forcë aktet tepër të rënda kriminale të ditëve të fundit, vrasjen e biznesmenit Backa në qendër të Fierit, si dhe grabitjen dhe torturimin e biznesmenit Çangu në Nikël të Krujës.  Këto ngjarje, që kanë tronditur thellë opinionin publik, përbëjnë një kërcënim serioz për rendin, sigurinë e jetës dhe pronës së qytetarëve, por edhe për zhvillimet ekonomike dhe sociale të vendit?,  shkruan Meta.

Ai gjithashtu i bën thirrje strukturave përkatëse dhe institucioneve ligj-zbatuese të forcojnë bashkëpunimin për arrestimin e menjëhershëm të autorëve.

?I bëj thirrje Policisë së Shtetit, Prokurorisë, Shërbimit Informativ të Shtetit, si dhe të gjithë institucioneve të tjera ligjzbatuese në vend, të forcojnë bashkëpunimin për arrestimin e menjëhershëm të autorëve me rrezikshmëri të lartë dhe vënien e tyre para drejtësisë, por edhe për të marrë të gjitha masat efektive për të parandaluar ngjarje të tilla të rënda dhe tronditëse kriminale?, shkruan Meta në rrjete sociale./CNA.al





Lajmet e fundit nga