E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kina përparon, kur ne nuk arrijmë që ta ndalim atë

1 Prill 2021, 06:10, Blog CNA

Nga Edward Lucas ?Center for European Policy Analysis?

Nëse NATO ngatërrohet me Kinën, atëherë edhe Kina do të ngatërrohet me NATO-n. Ky ishte nënteksti i vizitës që zhvilloi në Beograd javën e kaluar Ministri kinez i mbrojtjes
Uei Fenge.

?Disa vende anëtare të NATO-s po përpiqen që të luajnë role të caktuara të sigurisë në rajonin e Indo-Paqësorit. Kina mund të reagojë duke u përfshirë në çështjet e sigurisë në Evropë,duke i dhënë mundësi NATO-s që ta kuptojë më mirë se Kina është tashmë një aktore globale për sigurinë?-shkroi Kui Hongjian, një ekspert me ndikim i politikës së jashtme në gazetën nacionaliste kineze ?Global Times?.

Por bërja e kërcënimeve është një gjë. Realizimi i tyre në praktikë është një gjë tjetër. Autoritetet kineze mund të kërkojnë prova besnikërie. Për të nuk mjafton që të përmbaheni nga kritikat. Përkundrazi, për të qetësuar partinë-shtet, ju duhet të mbështesni në mënyrë aktive politikat e saj shtypëse dhe agresive.
Si ndëshkim, ajo mund të vendosë sanksione për vizat. Në rastet më shqetësuese, ndëshkimi mund të materializohet si presion mbi diplomatët, gazetarët dhe biznesmenët e huaj që jetojnë brenda kufijve të Kinës.

Një kujtesë për këtë na ofron fati i Majkëll Kovrig dhe Majkëll Spavor, qytetarë kanadezë që u mbajtën për 2 vite në burg në kushte të vështira me akuza të rreme, të motivuara politikisht. Pengjet e radhës mund të jenë evropianët. Por projeksioni i fuqisë në anën tjetër të botës është shumë më i vështirë. Në sipërfaqe, Serbia është mikja më e afërt e Kinës në Evropë. Por një shqyrtim më i imtësishëm zbulon se marrëdhënia mes tyre është e dobët.

Vizita e Uei ishte në kuadër të një marrëveshje për ngritjen e një qendre për mjekësinë tradicionale kineze në akademinë mjekësore ushtarake serbe, ndoshta është një fitore simbolike për Pekinin, por jo një lojë gjeopolitike mekanike.

Marrëveshje të tjera përfshijnë organizimin e stërvitjeve të forcave speciale, dhe ndihma në programimin e dronëve ushtarakëve të Serbisë. Investimet e Kinës në Serbi – kryesisht në termocentrale, zënë titujt kryesorë të mediave atje. Por lidhjet e Serbisë me Gjermaninë janë shumë më të forta. Dhe një histori e ngjashme është në Hungari, Maqedoninë e Veriut dhe Greqi, vendet e tjera që vizitoi Ministri i Jashtëm kinez. Kinës i pëlqen që të ndërtojë marrëdhënie me individë dhe institucione përgjatë viteve.

Kjo qasje mund të japë frytet e veta në një moment. Për shembull, ajo ka sjellë një mbulim të favorshëm të Kinës në mediat serbe. Por duke pasur parasysh kohën dhe paratë e shpenzuara gjatë dekadës së kaluar, rezultati është i dobët. Ndoshta aspekti më shqetësues i pranisë kineze në Evropën Juglindore është në frontin kibernetik. Vjelja e informacionit personal nga vendasit dhe të huajt, për t?i magazinuar në?depot? e të dhënave në Kinë. Por entuziazmi mbi teknologjinë kineze mund të zbehet kur të rritet ndërgjegjësimi mbi atë që përfshin përdorimi i saj.

Kina ka disa letra të tjera për të luajtur. Ka të ngjarë që ajo të dërgojë të paktën forca simbolike në stërvitjen ushtarake ?Zapad-21? gjatë këtij viti. Përparësia ushtarake e Rusisë në rajonin e Detit Baltik, përbën tashmë një dhimbje koke për NATO-n.

Pajisjet ushtarake kineze (avionët dhe dronët) mund t?i përkeqësojnë gjërat. Por kryesisht, Kina ka sukses atje ku dështon Perëndimi. Shembulli më i fundit është diplomacia e vaksinave. Koprracia dhe ç?organizimi perëndimor, i ka zemëruar dhe futur në panik njerëzit. Për më tepër, ata tani janë të gatshëm të pranojnë vaksina nga Rusia dhe Kina. Gabimi më i madh ndodhi më herët, kur Bashkimi Evropian ua mbylli dyert anëtarëve të rinj:vendet e Ballkanit Perëndimor (Shqipëria, Bosnja dhe Hercegovina, Kosova, Mali i Zi dhe Maqedonia e Veriut); vendet e ?Partneritetit Lindor?, kryesisht Ukraina, Moldavia dhe Gjeorgjia; dhe Turqia.

Kostot e kësaj qasje të ndrojtur, dritëshkurtër dhe egoiste ishin të mëdha. Ajo demoralizoi forcat pro-perëndimore në këto vende, dobësoi ndikimin tonë atje, nxiti cinizmin publik dhe krijoi hapësirë për aktorët dashakeqë. Ne nuk mund ta fajësojmë për këtë Kinën:ia bëmë vetes.

Ngjashëm, askush nuk i bëri vendet e mëdha të ?Perëndimit të vjetër? si Britania dhe Gjermania t?u hapeshin parave kineze, apo të bënin atje investime të mëdha. Kompanitë zgjodhën ta bënin këtë, dhe politikanët i inkurajuan, pasi ishin lakmitarë dhe të vetëkënaqur. Çmimi i këtyre gabimeve është i madh, dhe po paguhet vetëm pjesërisht nga ata që i kanë bërë ato./Përshatur nga CNA.al

Burimi: https://cepa.org/irresistible/