web counter
LEXO PA REKLAMA!

SHKARKO APP

App Store
Google Play

E fundit!

x

E vërteta e shëmtuar mbi të “ndershmin” Joe Biden

17 Shkurt 2021, 09:09, Blog CNA

Nga Miranda Devine ?Fox News?

Tani që zgjedhjet kanë mbaruar dhe presidenti Xho Bajden ka hyrë në Shtëpinë e Bardhë, kanë filluar të dalin në pah të vërteta rreth karakterit të tij të vërtetë. Ajo çfarë dimë tashmë është se standardet etike të të ?ndershmit Xho? nuk vlejnë asgjë.

Duke filluar nga ajo që është më se e qartë:djali i tij Hanter Biden, është ende në biznes me Partinë Komuniste Kineze. Zëdhënësja për shtype Shtëpisë së Bardhë, Xhen Psaki pranoi para disa ditësh se djali 51-vjeçar i presidentit, zotëron 10 për qind të aksioneve të kompanisë kineze ?BHR Partners?.
Dhe kjo e hedh poshtë pretendimin e Xho Bajden gjatë fushatës se ?askush në familjen time, nuk do të ketë ndonjë marrëdhënie biznesi me cilindo që është i lidhur me një korporatë apo një vend të huaj?.Por ato fjalë ishin para zgjedhjeve. Tani gjithçka ka ndryshuar.

Bajden ndryshoi rregullat e etikës së familjes së tij menjëherë pas zgjedhjeve,përmes një deklaratë të paqartë në lidhje me ?distancën e duhur? nga presidenca. ?Djali im, familja ime nuk do të përfshihen në asnjë biznes apo kompani, që është në konflikt me distancën e duhur që duhet të ketë nga presidenca dhe qeveria amerikane?- deklaroi ai për CNN në muajin dhjetor.

Vëllezërit më të vegjël të presidenti, Frenk dhe Xhim Bajden, e dinë se çfarë nënkuptojnë rregullat e reja:Biznesi i shitjes së ndikimit të familjes Bajden mund të vazhdojë si më parë, madje akoma më mirë me një president aktual në detyrë që shet ndikimin e tij nëpër botë. Dhe Frenk nuk humbi aspak kohë. Ai botoi një reklamë 2-faqe në Ditën e Përurimit të vëllait të tij si presidenti, duke shpallur marrëdhëniet me ?vëllain tim? për studion ligjore South Florida që e paguan atë si këshilltar, edhe pse në fakt nuk është avokat në profesion.

Sigurisht, ekziston akoma çështja e bezdisshme e hetimeve federale penale mbi Hanter dhe Xhim, një tjetër e vërtetës që mbeti e fshehur ndaj popullit amerikan deri pas përfundimit të zgjedhjeve. Por a e dini se që ditën e parë si president, Xho Bajden vendosi partnerin ligjor të avokatit mbrojtës të Hanter,në drejtimin e seksionit penal të Departamentit të Drejtësisë, pra vetë departamenti që po heton djalin dhe vëllain e tij?

?Presidenti është i përkushtuar që të garantojnë pasjen e administratën më të fuqishme etike në histori?- u tha Psaki gazetarëve në fillim të presidencës Bajden. Ky është një refren që ne shpesh e dëgjojmë nga Bajden dhe Shtëpia e Bardhë.

Por njerëzit që ndiejnë nevojën e vazhdueshme që të tregojnë se sa të sinqertë dhe etikë janë në jetën reale, rezulton gjithnjë se janë krejtësisht e kundërta. Në një intervistë të dhënë për revistën ?People? dhe të botuar ditën e hënën, presidenti dhe zonja e parë Xhill Bajden thanë se Xho po e rivendoste ?besimin? e amerikanëve tek qeveria e tyre, dhe mburrej për standardet e tij etike.

I pyetur mbi djalin e tyre Hanter, Xho përdori një formulim krejt të ri për rregullat e etikës në familjen Bajden:?Askush në familjen tonë dhe në fisin tonë, nuk do të përfshihet në asnjë institucion qeveritar apo politikë ne jashtme?.

Por çfarë ndodhi me ndalimin e marrëdhënieve me biznesin e huaj?

Dhe nuk ka nevojë të rrëmosh shumë larg në të kaluarën, për të gjetur një vendim etik vërtet të dyshimtë nga Xho Bajden. Vetëm të dielën e kaluar, ai promovoi librin e ri të Hanter në një intervistë për CBS para një audience prej 96 milionë amerikanësh. Edhe këshilltari i etikës së administratës Obama,Uollter Shaub tha se kjo lëvizje e presidentit ishte e gabuar. Sipas tij?kjo nuk është mënyra për të promovuar një etikë të fortë të qeverisë?. Këtë nuk e ndihmoi as një tjetër deklaratë hiperbolike nga i?ndershmi Xho?. Reagimi i menjëhershëm ndaj zëvendëssekretarit të shtypit të Bajden T.J.Duklo,i cili kërcënoi reporteren e ?Politico? Tara Palmeri me frazën ?Unë do të të shkatërroj!?, duke e tallur atë me komente vulgare seksiste, ishte dërgimi i tij në shtëpi për një javë pa pagesë.

Ishte larg nga kërcënimi i Ditës së Inaugurimit drejtuar stafit:?Nëse shfaqni mungesë respekti ndaj meje apo flisni me dikë jashtë Shtëpisë së Bardhë, unë do t?ju pushoj nga puna në vend?. Të Premten, Psaki u përpoq ta justifikonte sjelljen e Duklo si një reagim të natyrshëm për një shkrim të?Politico? mbi ?jetën e tij private?. Duklo dha më pas dorëheqjen, por vonesa e këtij akti flet shumë./Përshtatur nga CNA.al

Burimi: https://www.foxnews.com/opinion/biden-ethical-standards-honest-joe-miranda-devine





Lajmet e fundit nga