E fundit!

11:46 Aktualitet

Balla, pyetje publike protestuesve

Kreu i Grupit Parlamentar të PS-së, Taulant Balla, u është...

Kush i beson më OBSH-së?

11 Shkurt 2021, 08:07, Blog CNA

Nga Amber Athey ?Spectator?

Pra sipas gjetjeve mëtë fundit të Organizatës Botërore të Shëndetësisë, ka shumë të ngjarë që virusi Covid-19 të kalojë nga një kafshë tek njeriu. Por ku ka të ngjarë që patogjeni të përhapet për shkak të një rrjedhje nga një laboratori i virologjisë në Vuhan.

OBSH nuk e përjashtoi tërësisht mundësinë e një rrjedhje nga laboratori, por e bëri të qartë se nuk do të hetojë më tej në këtë pistë. Sigurisht, OBSH-ja ka provuar se është larg nga të qenit e besueshme mbi çështjet që lidhen me Kinën dhe koronavirusin. Organizata ndërkombëtare, përsëriti janarin e vitit të kaluar një pretendim të rremë nga autoritetet kineze, se nuk kishte prova të ?transmetimit të Covid-19 nga njeriu tek njeriu?. Në fillim, OBSH i vlerësoi masat e ashpra të bllokimit në Kinës për frenimin e përhapjes së virusit. Por më vonë deklaroi se nuk mbështet bllokimet, si forma kryesore e kontrollit të përhapjes së koronavirusit.

Ekzistojnë edhe arsye të tjera për të qenë skeptik ndaj hetimit të OBSH-së. Kina ishte në gjendje që ta vononte me disa javë fillimin e hetimit, duke treguar se synonte ende të ishte më pak se transparente ndaj ekipit të hetuesve të OBSH-së.

Gazeta amerikane ?The Wall Street Journal?, raportoi se ekipi i OBSH-së synonte që të bazohej mbi raportet e mëparshme nga zyrtarët kinezë, sesa të bënte hetimin e saj të pavarur, dhe nuk do të përqendrohej shumë tek mundësia që virusi të ketë dalë nga një laborator:

?Meqë autoritetet kineze kanë qenë të ngadalta në dhënien e informacionit, ato penalizuan shkencëtarët dhe mjekët që ndanë detaje klinike dhe gjenomike të koronavirusit të ri, dhe që atëherë kanë treguat një interes të madh për të kontrolluar narrativën se si u shfaq virusi, që të gjitha këto nuk janë aspak premtuese për hetimin e OBSH-së?.

Kohët e fundit, Kina ka nxitur pretendimin se shpërthimet e reja të Covid-19 në vend, janë të lidhura me importin e produkteve të ngrira ushqimore. Presidenti amerikan Xho Bajden premtoi gjatë fushatës elektorale, se ai do të ishte i ashpër ndaj Kinës. Por nga ana tjetër theksoi se një nga prioritetet e tij pas marrjes së detyrës, do të ishte ta ribashkonte SHBA-në me OBSH-në që mban anën e Kinën. Administrata e Bajdenit e mbrojti këtë veprim, duke premtua se SHBA-ja mund të ushtrojë më shumë ndikim mbi OBSH nëse do të vazhdojë të jetë anëtare.

Gjithsesi, sekretarja e shtypit Xhen Psaki konfirmoi të martën se administrata Bajden, nuk ishte e përfshirë në ?planifikimin dhe zbatimin? e hetimit, dhe se do të rishikonte rezultatet e hetimit. Psaki shtoi se është ?e domosdoshme që ne të kemi në Pekin ekipin tonë të ekspertëve?. Zëdhënësi i Departamentit të Shtetit, Ned Prajs konfirmoi se ata janë skeptikë ndaj hetimit që po ndodh aktualisht dhe ndaj bashkëpunimit të Kinës me të, duke thënë:?Unë mendoj se ekspertët po lihen ende larg të vërtetës. Unë mendoj se kinezët, të paktën deri më tani, nuk kanë ofruar transparencën e duhur që na nevojitet?.

Shtëpia e Bardhë nuk iu përgjigj një pyetje nga ?The Spectator? nëse presidenti Xho Bajden do të mbështeste një hetim të pavarur të udhëhequr nga SHBA-ja mbi origjinën e virusit.

Atëherë, cili ishte synimi i ribashkimit të vendin tonë me OBSH-në?

Bajden dhe kabineti i tij mund të flasin me tone të forta për keqtrajtimin e ujgurëve nga regjimi kinez apo edhe për sjelljen agresive të Kinës në Detin e Kinës Jugore. Por kur është fjala për të hetuar shkakun e krizës më të madhe globale që nga Lufta e Dytë Botërore, administrata e Bajden duket çuditërisht e paqartë.

Tanimë ajo nuk ka thuajse asnjë ndikim në hetimin zyrtar mbi origjinën e virusit, dhe ka pak arsye të besohet se përfundimet e Organizatës Botërore të Shëndetësisë do të jenë të dobishme apo të sakta. Në këto kushte, Amerika do të duhet të mbështetet ende mbi një ekip kërkimor amerikan në Kinë për informacione të besueshme, dhe do të duhet të përballet me një qeveri kineze gjithnjë e më shumë jo bashkëpunuese.

OBSH duket tërësisht e entuziazmuar nga justifikimet që jep Pekinit, dhe nuk ka asnjë provë se do të ndryshojë qasje gjatë muajve të ardhshëm. Ribashkimi me OBSH-në, duket se është edhe një tjetër shembull sesi administrata Bajden favorizon sjelljen simbolike anti-Trump mbi politikat praktike,nga të cilat përfitojnë amerikanët./Përshtatur nga CNA.al

Burimi: https://spectator.us/topic/whos-coronavirus-investigation-confirms-worthlessness/