E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Po ti, Mateo? Si i mbijetoi “vrasjes” politike Xhuzepe Konte

7 Shkurt 2021, 08:23, Blog CNA

Nga Hannah Roberts ?Politico.eu?

Një pikturë murale e vizatuar në një mur në Milano në shtatorin e vitit të shkuar, e përshkruante kryeministrin italian Xhuzepe Konte si Jul Çezarin në momentin e vrasjes së tij. Midis komplotistëve të ?armatosur me thika? ishte ish-kryeministri italian Mateo Renci, që gati i dha fund karrierës politike të Kontes, kur e tërhoqi partinë e tij Italia Viva nga kabineti qeveritar, duke e zhytur vendin në një kaos politik.

Gjithsesi, ?Bruti? i ardhshëm për ?Çezarin?Konte, nuk arriti t?i jepte një goditje vdekjeprurëse dhe ta rrëzonte qeverinë e tij. Konte i mbijetoi vetëm me 2 vota jetike mocionit të besimit në parlamentin italian këtë javë. Sidoqoftë, manovrat e Rencit e kanë lënë Konte në krye të një qeverie të pakicës, dhe koha e koalicionit gjithnjë e më të fragmentuar të Lëvizjes Pesë Yjet dhe Partisë Demokratike, mund të jetë duke mbaruar.

Konte refuzoi të jepte dorëheqjen kur Renci tërhoqi ministrat e tij nga koalicioni javën e kaluar. Përkundrazi ai e sfidoi atë në një përballje në parlament, ku Konte ia doli të merrte vetëm mbështetjen e mjaftueshme, duke përfshirë atë të larguarve nga partitë e tjera dhe të pavarurve, për të shpëtuar qeverinë e tij, megjithëse nuk arriti dot të një shumice absolute.

Një akademik pa shumë pretendime, që u ngjit në pushtet si me parashutë, dhe i tallur si një kukull nga eurodeputetët dhe ish-kryeministri belg Gi Verhoshtad, Konte është treguar në fakt shumë më i fortë se sa mund t`a imagjinonte dikush.
Përpjekja e Rencit për ta rrëzuar qeverinë javën e kaluar, po duket tani si një llogaritje e gabuar, e ngjashme me gabimin e bërë nga lideri i opozitës së krahut të djathtë Mateo Salvini, kur u përpoq por dështoi të provokonte zgjedhje të reja në vitin 2019.

Teksa Konte kaloi nga e djathta në të majtë, Salvini ndodhet në opozitë që nga ajo kohë. Aftësia e Kontes për të ndryshuar taktikë sipas situatave, ka qenë thelbësor për mbijetesën
e tij. Nikola Lupo, drejtor i Qendrës së Universitetit Luis për Studime Parlamentare në Romë, thotë: ?Si një avokat i mirë, ai i përshtatet çdo situate. Është shumë pragmatik?.

Ndërkohë, Konte ka akumuluar një kapital politik me trajtimin e sigurt që i ka bërë krizës së koronavirusit. Popullariteti i tij ishte rreth 60 për qind për pjesën më të madhe të vitit të kaluar, dhe aktualisht mbetet në rreth 55 për qind. Ai fitoi vlerësimin e italianëve për sigurimin e një pjese të konsiderueshme nga paketa ekonomike e BE -së për stimulimin e ekonomisë së Italisë, vendi evropian i parë i goditur rëndë nga koronavirusi.

?Ai i ka luajtur shumë mirë kartat e tij. Mund të mos ketë gjenialitetin e udhëheqësve të pasluftës, por ka treguar instinktet e tij. Pati të drejtë që nuk dha dorëheqjen, dhe kërkoi mbështetje në parlament?- thotë Daniele Albertaci, studiues i politikës evropiane në Universitetin e Birmingemit.

Ndërsa mund të jetë aktualisht në një pozitë më të dobësuar, Konte ende ka mbështetës të fuqishëm. Me lidhje të forta në qarqet akademike dhe në establishmentin e Romës, ai i riparoi marrëdhëniet e tij të acaruara me biznesin e madh kur rihapi industrinë pas bllokimit të majit 2020.
Që nga vitet universitar, kur ndoqi kolegjin elitar katolik Vila Nazaret, Konte mbetet pranë Kishës Katolike, gjë që e ndihmoi atë të siguronte mbështetjen në votimin në Senatit këtë javë të një demokristiani veteran si Pier Ferdinando Kasini.

Për më tepër, edhe udhëheqësit e BE-së si Angela Merkel dhe Ursula von der Leyen e kanë bërë të qartë se ata kanë besim tek Konte, ndaj dhe i dhanë Italisë 28 për qind të paketës stimuluese të BE-së.?Ai ka një sjellje të përulur, e cila bie në sy për mirë, ndryshe nga disa udhëheqës të mëparshëm italianë që kanë qenë arrogantë?- tha një diplomat evropian në kushtet e anonimiteti.

E rëndësishme tani për Konten, është t`a sigurojë Brukselin se Italia është e qëndrueshme, dhe ai mund t`a çojë përpara me planin e tij pandemik të rimëkëmbjes ekonomike. Nënkryetari Ekzekutiv i Komisionit Evropian, Valdis Dombrovskis, iu drejtua Italisë në një konferencë shtypi pas një takimi të ministrave të financave këtë javë. ?Shpresoj që paqëndrueshmëria politike të mos e vërë në rrezik planin tuaj, pasi ju jeni përfituesi kryesor i planit të BE-së?- theksoi ai.

Por lajmi i keq është që Konte drejton tani një koalicion të pakicës. Lajmi i mirë për të, është se tashmë ai është i lirë nga Renci, një ?ferrë? nëpër këmbë për muaj të tërë. Konte ka mbështetës të besueshëm, në formën e një grupi parlamentar që mund të formojë bazën për një parti të ardhshme politike të udhëhequr nga vetë ai.

Sipas një sondazhi nga ?Noto Sondaggi?, një parti e drejtuar nga Konte, mund të fitojë sot
12 për qind të votave. Si pjesë e përpjekjes së tij për të fituar mbështetjen e senatorëve, Konte ka premtuar të reformojë sistemin zgjedhor, duke miratuar një sistem proporcional të përfaqësimit.
Krerët e opozitës kanë kërkuar zgjedhje të reja, por për këtë skenar ka pak interes midis partnerëve të koalicionit, pasi reformat kushtetuese për të cilat është rënë dakord për mbajtjen e një referendumi, nënkuptojnë që parlamenti do të reduktohet në madhësi me një të tretën në zgjedhjet e ardhshme. Edhe partia e vetë Rencit ka të ngjarë që të zhduket.

Me Konten e dobësuar, Renci mund të përpiqet t`a rrëzonte atë gjatë verës, por mungesa e opsioneve, nevoja urgjente për t?u marrë me pandeminë dhe frika e zgjedhjeve, i japin Kontes shansin për të rezistuar deri atëherë./CNA.al

https://www.politico.eu/article/giuseppe-conte-confidence-vote-government-italy-matteo-renzi/