Studiuesit: Ja çfarë e bën një njeri, një përhapës të madh të Covid-19

12 Shkurt 2021, 07:48, Blog CNA

Shkencëtarët dhe ekspertët e shëndetit publik, e kanë ditur prej kohësh se individë të caktuar, të quajtur ?super-përhapës?, mund ta transmetojnë Covid-19 me një efikasitet të pabesueshëm, dhe me pasoja shkatërruese tek të tjerët.

Por tani, studiuesit në Universitetin Tulan, Universitetin e Harvardit, MIT dhe Spitalin e Përgjithshëm të Masaçusetsit, kanë zbuluar se se mbipesha, mosha dhe infeksioni nga Covid-19, lidhen me prirjen për të thithur më shumë spërkla të frymëmarrjes, e cila është rruga kryesore e përhapjes së SARS-CoV-2, virusi që shkakton sëmundjen e Covid-19.

Duke përdorur të dhëna nga një studim vëzhgimor mbi 194 njerëz të shëndetshëm, dhe një studim eksperimental mbi primatët jonjerëzorë me Covid-19, studiuesit zbuluan se grimcat aerosole të frymëmarrjes ndryshojnë shumë midis subjekteve. Kështu ata që ishin më të moshuar, dhe me indekse më të larta të masës trupore (BMI), si dhe një shkallë në rritje të infeksionit Covid-19, kishin 3-fishin e numrit të spërklave të frymëmarrjes së frymëmarrjes, sesa të tjerët në grupet e studimit.

Studiuesit zbuluan se 18 për qind e subjekteve njerëzore, përbënin 80 për qind të grimcave të nxjerra nga grupi, duke reflektuar një shpërndarje të grimcave të aerosolit të nxjerra, që ndjek rregullin 20/80, të vërejtur tek epidemitë e tjera të sëmundjeve infektive, pra 20 për qind e individëve të infektuar për 80 për qind të transmetimeve.

Spërklat e aerosolit tek primatët jonjerëzorë, u rritën teksa përparonte infeksioni me Covid-19, duke arritur nivelet e pikut një javë pas infektimit, para se të kthehej në normalitet pas dy javësh. Grimcat e vogla, kanë më shumë të ngjarë që të dalin jashtë kur njerëzit marrin frymë, flasin ose kolliten. Gjithashtu ato mund të udhëtojnë më larg në ajër, dhe të depërtojnë më thellë në mushkëri kur thithen. Rritja e aerosoleve të frymëmarrjes, ndodhi edhe midis atyre me raste asimptomatike të Covid-19, thotë Çad Roi, drejtor i aerobiologjisë së sëmundjeve infektive në Qendrën Kombëtare të Kërkimit të Primateve në Tulan.

?Ne kemi parë një rritje të ngjashme të spërklave gjatë fazës akute të infeksionit me sëmundje të tjera infektive si tuberkulozit. Ka të ngjarë që infeksionet virale dhe bakteriale të rrugëve të frymëmarrjes, ta dobësojnë mukusin e rrugëve të frymëmarrjes, gjë që nxit lëvizjen e grimcave infektive në këtë mjedis?– shton ai

Ndërkohë autori kryesor i studimit, Dejvid Eduards, profesor i praktikës së inxhinierisë biomjekësore në Universitetin e Harvardit, thotë se gjenerimi i spërklave të frymëmarrjes në rrugët e frymëmarrjes ndryshon midis njerëzve, në varësi edhe të përbërjes së trupit të tyre.

?Ndërsa rezultatet tona tregojnë se të rinjtë dhe të shëndetshmit, kanë tendencë të gjenerojnë shumë më pak spërkla se sa të moshuarit dhe më pak të shëndetshmit, ato tregojnë se kur infektohet nga Covid-19 çdonjëri prej nesh, mund të jetë i rrezikuar të prodhojë një numër të madh spërklash të frymëmarrjes?- theksoi Eduards./Përshtatur nga CNA.al

Burimi: https://medicalxpress.com/news/2021-02-unravel-covid-superspreader.html