web counter
LEXO PA REKLAMA!

SHKARKO APP

App Store
Google Play

E fundit!

x

“Është një aset për PD dhe demokracinë shqiptare”/ Basha flet për kandidimin e Berishës

9 Shkurt 2021, 16:09, Politikë CNA

Kreu i Partisë Demokratike Lulzim Basha shprehu nevojën për mbështetjen e ish kryeministrit Sali Berisha dhe kujdo tjetër për një të ardhme më të mirë.

Në një intervistë për Ora News, teksa u pyet se a do të jetë Berisha pjesë e këtyre zgjedhjeve, Basha tha se ky vendim është në dorë të ish kryeministrit dhe ai mund të zgjedhë kë vend të dojë.

Basha vuri në pah edhe cilësitë dhe virtytet e Berishës, teksa tha se ai është një aset për PD dhe ka qenë gjithmonë në shërbim të interesave shqiptare.

?Unë e kam bërë fare të qartë që është në dorën e Zotit Berisha nëse do të kandidojë dhe të kandidojë ku dëshiron të kandidojë. Zoti Berisha ka qenë dhe mbetet një vlerë dhe një aset i Partisë Demokratike, përvoja e tij është e jashtëzakonshme dhe është vënë gjithmonë në shërbim jo thjesht dhe vetëm të Partisë Demokratike por të demokracisë shqiptare dhe të interesit të shqiptarëve

Unë jam kryetari i Partisë Demokratike dhe unë kam nevojë për këdo që do të ndihmoj në një Shqipëri ndryshe, një Shqipëri që funksionon për të gjithë shqiptarët dhe jo vetëm për një grusht njerëzish. Pa pikë diskutimi në këtë betejë ndihem i privilegjuar pse jo i bekuar nga ndihma, vëmendja, këshilla, inkurajimi jo thjeshtë dhe vetëm i figurave të Partisë Demokratike por edhe i figurave të shoqërisë civile që shohin te Partia Demokratike instrumentin e zgjidhjes së krizës më të rëndë do të thoja unë dhe që ka përjetuar vendi në 3 dekada.

Një krizë ekonomike, një krizë politike, një krizë besimi dhe që shikon te Partia Demokratike po kështu shpresën për rikthimin e normalitetit dhe nisjen e rimëkëmbjes ekonomike dhe stabilizimin të një Shqipërie që funksionon siç e thash për të gjithë shqiptarët jo për një grusht njerëzish që sot e trajtojnë si plaçkën e tyre?, tha Basha./CNA.al





Lajmet e fundit nga