LEXO PA REKLAMA!

SHKARKO APP

Gjoba nga KQZ/ Veliaj i hedh fajin opozitës: Po ndëshkohem se bëj punën

9 Shkurt 2021, 14:24, Politikë CNA

Komisioni Qendror i Zgjedhjeve ka gjobitur sot kryetarin e Bashkisë së Tiranës, Erion Veliaj me 750 mijë lekë për shkelje të rregullave në zhvillimin e aktiviteteve elektorale.

Menjëherë pas lajmit ka ardhur edhe reagimi i vetë kryebashkiakut i cili në një prononcim për mediat është shprehur se do apelojë vendimin në KAS, pasi sipas tij është ndëshkuar sepse po bën punën e tij si kryebashkiak duke u dhënë shtëpi njerëzve.

Ai ka akuzuar opozitën, për të cilët thotë se janë ankuar në KQZ që të ulin ritmin dhe të lënë qytetarët jashtë ndërkohë që mazhoranca përpiqet t?i strehojë me procesin e Rindërtimit.

Nga ana tjetër kryebashkiaku i Tiranës për KQZ ka thënë se ka marrë përsipër të krijojë kushtet për të futur në lojë opozitën, por ai paralajmëron se KQZ nuk mund të bëjë me detyrim ?sportin e gjumit?.

?Jam njohur edhe me lajmin, edhe akuzat. Ishte akuza nga opozita për të ndaluar Rindërtimin. Janë të dëshpëruar, duan të ndalojnë procesin.Gjumi nuk mund dot punën. Kam kohë të apeloj. Ka diçka të pandershme kur gjobitesh se punon, dhe bën me shtëpi nejrëz që bëjnë me çadër.
Ndërkohë nuk gjobitesh nëse bëhesh me 5 vila, gjatë pandemisë dhe tërmetit, madje mund të kandidosh për kryeminsitër.

Do e apeloj. Ka drejtësi në apel, ligji nuk është shkelur.
Tani që Luli të fitojë ca vota, dhe Monika të futet në parlament, të ulet ritmi i punës për këta, kemi humbur 30 vjet.

KQZ ka një sekëlldi shumë të madhe, vjen prej opozitës që iku. Ka marrë përsiëpër të krijojë kushtet që opozita të futet në lojë.

Politika është lojë për të rritur. Nëse janë fëmijërorë, dikush që shtoi 5 vila jo vetëm s?kërkon ndjesë, por thotë më zgjidhni kryeministër. Ndërkohë ata që po japin shtëpi. Po bëhen qesharakë, duke shpërblyer krimin me mandat, dhe punën me gjobë.

Kjo është gjobë se pse njerëzit futen në shtëpi. Gjobë e kësaj natyre. Ne ruajmë distancën, heq maskën vetëm ai që ësthë distancuar. Të gjithë mbajnë maskë, s?është gjobë shëndetësie. Por bëhet fjalë pse futëm njerëzit në shtëpi, dhe që Luli me Monikën të gjejnë shesh për përshesh.

Puna do vazhdojë, njerëzit do futen nëpër shtëpi. Fakti që ai është kampion i sportit të gjumit, nuk e bën KQZ ta bëjë me detyrim sportin e gjumit.?- tha Veliaj.”/CNA.al

 

Lajmet e fundit nga