Nuk ishte egjiptiane dhe as e bukur/ Ç’nuk dini mbi Kleopatrën e famshme të antikitetit

18 Tetor 2020, 07:23, Blog CNA

Emri i Kleopatrës të sjell në mend imazhe të Egjiptit të Lashtë dhe intrigave historike. Por çfarë qëndron përtej legjendës së saj?

Ishte viktimë e propagandës

Fillimet e Perandorisë së madhe Romake, ishin pasojë e marrëdhënieve të Kleopatrës me Mark Antonin. Së bashku me djalin e adoptuar të Jul Çezarit, Oktaviani dhe gjeneralin Markus Lepidus, Antoni ishte pjesë e një trioje të quajtur Triumvirati i Dytë.
E krijuar pas vrasjes së Çezarit, kjo trio u përpoqën të ndante Romën, por gjërat nuk shkuan mirë. Oktaviani ishte në rrugën e duhur për t?u bërë Perandori i Parë (si Çezar Augusti), dhe donte eliminimin e Antonit. Ai depërtoi tek rivali i tij përmes Kleopatrës.
Oktaviani i paraqiti Senatit të Romës atë që ai pretendonte se ishte vullneti i Antonit. Me sa duket, ky donte t?i linte trashëgim mbretëreshës së Egjiptit disa territore të rëndësishme të Perandosië Romake. Por ky vullnet, ishte në fakt një propagandë, apo një gënjeshtër pastër. Kur Antoni dhe ushtria e tij u nisën të luftonin kundër Oktavianin, Kleopatra udhëhoqi një pjesë të ushtrisë. Gjërat për çiftin përfunduan në mënyrë tragjike.

Kishte një histori familjare ?interesante?

Në kohërat e lashta gjërat ishin pak më ndryshe nga sot. Martesa me një vëlla ose motër sot është përtej imagjinatës, por në kohën e Kleopatrës nuk kishte asnjë problem. Aktiviteti inçestual ruante pastërtinë e linjës së gjakut dhe forconte bazat e pushtetit.
Kleopatra u martua me 2 vëllezërit e saj përgjatë viteve, njëri prej të cilëve u bë bashkë-regjent i saj. Në fakt, ajo nuk bëri gjë tjetër veçse ndoqi shembullin e mamasë dhe babait të saj, që besohet gjerësisht se ishin vëlla e motër. Familjet janë të komplikuara. Dhe në rastin e Kleopatrës, të rrezikshme.
Mania për lavdi, i nxiste ata të thurrnin intriga ndaj njëri-tjetrit. Kur Arsinoe IV kundërshtoi kontrollin e Jul Çezarit në Egjipt, motrës së madhe Kleopatrës nuk i bëri përshtypje. Arsinoe u internua në qytetin e Efesit (në Turqinë e sotme). Kleopatra e pa gjysmë-motrën e saj si një kërcënim, ndaj e vrau atë në vitin 41 Para Krishtit.

Ajo ishte Kleopatra nr.7

Ndërsa Kleopatra është një figurë e veçantë në histori, ajo ishte e fundit në një linjë të gjatë Kleopatrash. Emri i saj përkthehet si ?Lavdi e Atit?. Gruaja e famshme mori mantelin e Kleopatrës VII në fillim të vitit 52 Para Krishtit. Ajo e trashëgoi fronin nga Ptolemeu XII Auletes. Numri 7 mund të jetë vërtet me fat, por në fund të fundit mbretërimi i Kleopatrës përfundoi në një dramë të vërtetë.

U nderua si egjiptiane, por nuk ishte e tillë

Kleopatra besohet të jetë po aq egjiptiane sa piramidat. Dhe në disa aspekte ajo ishte e tillë. Por jo nga lindja. Ajo ishte në fakt pjesë e dinastisë Ptolemaike, e cila nisi kur ish-gjenerali që u kthye në Faraon, Ptolemeu I, mori drejtimin e vendit pas vdekjes së shefit të tij Aleksandrit të Madh të Maqedonisë në fillim të viteve 300 Para Krishtit.
?Ai bëri flijime për Perënditë egjiptiane?- shkruan National Geographic, ?dhe mori një
emër egjiptian, dhe nisi të vishte rroba faranike?. Kleopatra, që ishte greke, respektoi në mënyrë të ngjashme traditat e mbretërisë së saj. Ajo madje e mësoi gjuhën egjiptiane.

Nuk ishte një super-modele

Kleopatra është adhuruar si të ishte një bukuri marramendëse. Por realiteti ishte ndryshe. Edhe pse nuk ka asnjë provë përfundimtare se si dukej ajo, janë bërë hamendje nga më të ndryshmet. Monedhat e lashta egjiptiane, e përshkruajnë një profil më pak se elegant. Disa historianë mendojnë se Kleopatra mund të ketë portretizuar qëllimisht veten si mashkullore, ?si një shenjë e shfaqjes së forcës?.

Mister mënyra sesi vdiq

Shekspiri shkroi versionin më të njohur të vdekjes së saj. Një mbretëreshë e pikëlluar vetëvritet duke përdorur një gjarpër helmues. Ky është skenari i Bardit anglez. Por si u largua realisht nga kjo botë Kleopatra? Në vitin 2013, eksperti i kriminalitikës Pat Braun, tha se u vra në mënyrë brutale. Ai shkroi librin ?Vrasja e Kleopatrës:Çështja më misterioze në histori?. Në një artikull për ?The Scientist?, Braun hedh dyshime mbi mos-ekzistencën e plagëve nga dhëmbët e gjarprit./Përshtatur nga CNA.al