E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Ja si fama e vrau Xhenis Xhoplin, këngëtaren legjendare të brezit të artë të muzikës “rock & roll”

27 Shtator 2020, 08:38, Blog CNA

Vdekja e Xhenis Xhoplin u përcaktua se ndodhi nga një mbidozë heroine, të paktën sipas raportit zyrtar të mjekut që kreu autopsinë. E gjetur e zhveshur në dhomën e saj në një hotel në Hollivud më 4 tetor 1970, legjenda e ?rock & roll?, kishte ende të mbërthyer cigaren në njërën dorë, dhe disa kartmonedha në dorën tjetër.

Vetëm 27-vjeçe, dhe një nga këngëtarët më të talentuara të brezit të artë të viteve 1960, Xhopin kishte vuajtur prej kohësh nga abuzim me substancat narkotike. Shoqja e saj e ngushtë Pegi Kaserta shkruan në librin e saj me kujtime se të dyja ndanin me njëra-tjetrën fiksimin e madh për heroinën. Gjithçka që mbeti ylli i muzikës më 7 tetor 1970, ishte një grumbull hiri nga djegia e trupit të saj, të cilin familja e saj shpërndau privatisht nga një avioni në ujërat e Oqeanit Paqësor. Kishte kaluar vetëm një vit që kur ikona e kundër-kulturës kishte kënduar hitet e saj të mëdha si ?Piece of my heart? për qindra mijëra fansa në Festivalin e famshëm të Ustok në vitin 1969.

Por diçka e shqetësoi Kasertan për vdekjen e mikeshës së saj. Menjëherë pasi Xhoplin vdiq, u përhapën zërat se ajo e kishte tepruar me një dozë të jashtëzakonshme heroine. Kaserta pohoi më vonë se ajo kishte përdorur të njëjtën sasi heroine jo shumë kohë para mbidozës së pretenduar të Xhoplin, ndaj e cilësonte ?absurde? këtë teori. Por si një e mbijetuar nga mbidozimi, Pegi Kaserta tha se nuk ishte e bindur nga skena e përshkruar në hotel. Hetuesit pretenduan se Xhoplin kishte marrë një dozë vdekjeprurëse heroine, më pas kishte zbritur në holl për të blerë cigare, dhe ishte kthyer në shtratin e saj
ku dhe kishte vdekur.

Por duke folur nga përvoja, Kaserta tha se kjo nuk ishte e mundur. ?Ku je në mbidozë, ti thjesht plandosesh përtokë në dysheme. Ashtu siç e gjetën të vdekur aktorin Filip Sejmur Hofman?- thotë ajo. Vitet 1960, shënuan ndryshimin më të madh në muzikën moderne amerikane.
Periudha pas Ajzenhauerit nxiti lindjen e rrymave të reja të mendimit, të nxitura sa nga eksperimentet me drogat psikedelike, por aq edhe nga trazirat shoqërore dhe kulturore të Luftës së Vietnamit. Xhoplin ishte këngëtarja kryesore e Big Brother dhe Holding Company në Monterey Pop Festival të vitit 1967 .

Ajo ishte vetëm 24-vjeçe, dhe karriera e saj sapo kishte nisur. Edhe pse u duk sikur doli nga askundi, ajo arriti të bënte emër qëkur ndiqte Universitetin e Teksasit në Ostin. E lindur në Port Artur të Teksasit më 19 janar 1943, fëmijëria e Xhoplin si një e dëbuar nga shoqëria, e bëri atë të tërhiqej drejt muzikës bluz. E vendosur për të ndjekur pasionin e saj për të kënduar, ajo e braktisi universitetin në janarin e vitit 1963, dhe shkoi në San Françisko. Duke performuar rrugëve, Xhenis nisi zakonin e frikshëm të pirjes së sasive të mëdha të alkoolit dhe metamfetaminëve. Më vonë ra në kontakt me heroinën.

Ajo u njoh me Kasertan kur kishte shkuar në dyqanin e saj të rrobave në Haight-Ashbury në vitin 1965. Ato u bënë shumë shpejt mike të ngushta, dhe ndanin vese të ngjashme. ?Xhenis ishte argëtuese, mendjehapur, e papërmbajtur?-kujton Kaserta.
Në vitin 1966, karriera e Xhoplin arriti kulmin. Talenti i saj u vu re, dhe ajo u bë soliste e Big Brother dhe Holding Company. Ajo nisi të organizojë turnetë e para si profesioniste, të regjistrojë këngë ikonike të tilla si ?Piece of my heart?. Kur mbërri Udstok, bashkëmoshatarët e saj ishin muzikantët Xhimi Hendriks dhe Dejvid Krosbi. Për promovuesin e koncertit dhe mikun e saj Bill Graham, vetë-shkatërrimi i Xhoplinit ndodhi pjesërisht për shkak të famës së sapo-zbuluar. ?Ajo kishte një siguri të jashtëzakonshme kur ndodhej në skenë. Por jashtë skenës, privatisht, ajo ishte shumë e frikësuar, shumë e ndrojtur dhe naive për shumë gjëra. Unë nuk besoj se ajo ka ditur ndonjëherë se si të menaxhojë suksesin. Mendoj se kjo i krijoi probleme Xhenisit?- thotë ai.

Ishte 4 tetori i vitit 1970 dhe Xheni ishte vonë për një seancë regjistrimi në studio. I shqetësuar nga vonesa, menaxheri Xhon Kuk u nis për tek hoteli ku ajo qëndronte në Landmark Motor. Kur Kuk hyri në dhomën e Joplin, e gjeti pa pajetë në shtratin e saj.
Sipas mjekut të gjykatës së Los Anxhelesit, Tomas Noguçi, disa nga provat ishin zhdukur
nga skena e ngjarjes nga një prej miqve të Xhoplin, dhe u kthyen kur u kuptua se përdorimi i drogës do të tregohej gjithsesi në raportin e toksikologjisë. Noguçi arriti në përfundimin se Xhoplin vdiq nga një mbidozë heroine, efekt që ishte rënduar nga kombinimi me alkoolin. Ekspertët në Nju Jork konfirmuan më vonë se mbidozat e heroinës janë zakonisht të ngadalta, dhe ndodhin vetëm shpejt kur kombinohen me ilaçe të tjera. Xhanis Xhoplin vdiq në moshën e saj më të mirë, duke iu bashkuar artistëve të tjerë të talentuar që vdiqën në moshën e saj, në grupin e njohur si ?Klubi famëkeq i 27-vjeçarëve?, ku përfshihet Xhimi Hendri, Kërt Kobein dhe Emi Uajnhauz./Përshtatur nga CNA.al