Tomini shpjegon situatën nga Covid-19/ Ja si do veprohet nëse një nxënës ka temperaturë

11 Shtator 2020, 13:39, Aktualitet CNA

Ekspertja e ISHP Eugena Tomini ka folur lidhur me situatën në vend nga COVID-19. Tomini u shpreh se situata për momentin është e qëndrueshme.

?Deri tani nga monitorimi është e njëjta situatë e paraqitjes së situatës pozitive. Jemi në 18% të pozitivitetit. Po vazhdojmë me qëndrueshmëri.
Nuk themi që po dalim nga kjo situatë. Kemi një kthim të administratës në funksion të plotë dhe kthim të nxënësve në shkolla?, u shpreh ajo.

Ajo ka folur për News 24 edhe në lidhje me sugjerimet që Basha i ka dhënë lidhur me testimin e të gjithë mësuesve dhe shton se brenda 24 orëve do të testohen gjithë mësuesit dhe ata që janë të prekur kalojnë në shtëpi.

?Edhe nxënësit duhet të testohen, edhe personeli mbështetës, pra i bie që të bëjmë një screenim masiv të prezencës së COVID në vend por nuk është kjo strategjia e ndjekur deri tani. Nëse testojmë për efekte shkencore është një element tjetër. Janë elementë të ndarë nga strategjia për çdo rast të ndryshuar, në testojmë, gjurmojnë dhe parandalojmë vatrat. Brenda 24 orëve testojmë gjithë mësuesit dhe ata që janë të prekur kalojnë në shtëpi.
Testimi në një kohë të caktuar vlen vetëm për testim shkencor. Pavarësisht testimit në Francë përsëri janë mbyllur shkollat. Sërish janë rikthyer në mbyllje klasash. Shpresoj që skenaret e mundshme të mos jenë skenarët agresivë, drejt ekstremit të mbylljes së shkollave por dhe nëse do arrihen do bëhen në momentin e duhur?, deklaroi ajo.

Tomini gjithashtu shtoi se nëse një fëmijë me temperaturë 37.5 , nuk mund të hyjë në një qendër tregtare as nuk mund të hyjë në institucionet arsimore.

?Një fëmijë me temperaturë më shumë se 37.4 nuk do çohet në shkollë por do monitorohet nga prindi dhe mjeku i familjes në shtëpi. Duhet të jeni i lidhur me mjekun pediatër. Mjeku pediatër dhe i familjes pasi konstaton me triazhim telefonik apo në klinikë vërteton apo rekomandon që ky fëmijë nuk sugjeron klinikë COVID ose jep një vërtetim nëse bën tampon.
Çfarë do më sillte pritja, do kisha të njëjtin grup nxënësish, mësuesit kështu që nuk do ta privoja as ditën e parë, as ditën e katërt. Rekomandimet duhet të zbatohen?, tha Tomini.