web counter
LEXO PA REKLAMA!

SHKARKO APP

App Store
Google Play

Hapja e kazinove/ Çlirim Gjata: Kjo prerje në besë duhet të hetohet nga SPAK

11 Shtator 2020, 11:18, Aktualitet CNA

Sekretari për çështjet ligjore te PD-së, Çlirim Gjata ka reaguar ditën e sotme më anë të një konference për shtyp lidhur me vendimin e qeverisë për të hapur përsëri kazinotë, dy vite pas  mbylljes se tyre.

Ai ka akuzuar Kryeminstrin se ka mashtruar shqiptarët dhe se po tallet me vuajtjet e qyetarëve. Sipas tij kjo prerje në besë duhet te hetohet nga SPAK.

“Në fshehtësi ai ka miratuar një VKM që i hap rrugë përsëri biznesit kriminal të lojërave të fatit në zemër të kryeqytetit. Pasi gënjeu se do ti mbyllte ato përfundimisht, ai po kërkon të përdorë dhe pastrojë paratë e krimit nëpërmjet kazinove dhe lojërave të fatit.” tha Gjata.

Sipas tij, Rama gjatë qeverisjes së tij, nga 920 pika të lojërave të fatit ato u katërfishuan në 4200 dhe shtoi se sipas Kontrollit të Lartë të Shtetit, vetëm në dy vjet, 2014 -2016, buxhetit të shtetit ju vodhën 375 milionë euro nga evazioni i lojërave të fatit.

“Tani të gjithë e kanë të qartë se ortakëria e Edi Ramës me krimin e organizuar dhe paratë e pista është shumë më e fortë se cdo premtim që ju ka bërë qytetarëve. Kjo prerje në besë e atyre mijëra familjeve para të cilave u zotua, ky vendim kriminal duhet të hetohet menjëherë nga SPAK-u si rasti tipik i kapjes së shtetit.” përfundoi Gjata.





Lajmet e fundit nga