E fundit!

18:59 Politikë

LISTA/ Ja kush janë anëtarët e diasporës në Këshillin Kombëtar të PD-së

Ka nisur mbledhja e Këshillit Kombëtar të Partisë Demokrat...

Studimi/ Pse 22 për qind e popullsisë botërore rrezikohet më shumë nga koronavirusi

19 Qershor 2020, 06:45, Blog CNA

Një studim i ri sugjeron, se 1 në 5 njerëz në të gjithë botën, vuan nga të paktën një sëmundje kronike, e cila mund të rrisë rrezikun për jetën e tyre në rast se preken nga koronavirusi i ri.

Duke përdorur të dhënat e marra nga 188 vende të botës, një studim i modeluar vlerëson se 1.7 miliardë njerëz, ose 22 për qind e popullsisë botërore, vuajnë nga të paktën një sëmundje kronike, gjë që i vendos ata në një rrezik më të madh nga pandemia aktuale e Covid-19.

Studiuesit thonë se megjithëse vlerësimet japin një tregues të numrit të personave që duhet të kenë përparësi për masat mbrojtëse, jo të gjithë këta individë do të zhvillojnë simptoma të rënda në rast se infektohen. Sipas studimit, vetëm 4 për qind e popullsisë së botës do të kërkonte shtrimin në spital nëse do të infektohej me Covid-19.

Autorët thonë se kjo sugjeron që rreziku i shtuar nga koronavirusi mund të jetë mjaft modest për shumë njerëz me sëmundje kronike. Profesori i asociuar Endrju Klark nga Shkolla e Higjienës dhe Mjekësisë Tropikale në Londër (LSHTM), thotë: “Ndërsa vendet po braktisin karantinën, qeveritë po kërkojnë mënyra për të mbrojtur më të prekurit nga një virus agresiv që qarkullon ende?.

Ne shpresojmë që vlerësimet tona të ofrojnë bazën për hartimin e masave për mbrojtjen e atyre që janë më në rrezik nga një sëmurje më e rëndë nga koronavirusi. Kjo mund të përfshijë këshillimin e personave me sëmundje kronike, që të zbatojnë masat distancuese sociale, të përshtatshme për nivelin e tyre të rrezikut, ose duke i dhënë prioritet atyre për t?u vaksinuar të parët në të ardhmen?.

Organizata Botërore e Shëndetit (OBSH), dhe agjencitë e shëndetit publik në Britaninë e Madhe dhe SHBA, i identifikojnë sëmundjet kardiovaskulare, sëmundjet kronike të veshkave, diabetit dhe sëmundjet kronike të frymëmarrjes si faktorë rreziku për të pasur simptoma të rënda nga koronavirusi.

Studimi i ri, në revistën ?Lancet Global Health?, ofron vlerësime globale, rajonale dhe kombëtare mbi numrin e njerëzve me kushte sëmundje kronike. Autorët paralajmërojnë se në studim u fokusuan tek sëmundje kronike dhe nuk përfshijnë faktorë të tjerë të mundshëm të rrezikut, që nuk janë përfshirë ende në të gjitha udhëzimet e OBSH mbi Covid-19, si përkatësia etnike dhe gjendja socio-ekonomike.

Ata thonë se këto vlerësime nuk kanë gjasa që të jenë shteruese, por shërbejnë si një pikënisje për politikë-bërësit. Autorët i bazuan vlerësimet e tyre në të dhënat e prevalencës së sëmundjes nga Studimi Global i Barrës së Sëmundjeve, Lëndimeve dhe Faktorëve të Riskut (GBD) i vitit 2017, vlerësimet e popullsisë së OKB-së për vitin 2020 dhe listën e sëmundjeve kronike që lidhen me COVID-19, siç përcaktohet nga udhëzimet aktuale.

Për të ndihmuar në përcaktimin e shkallës së rrezikut të rritur, studiuesit bënë vlerësime të veçanta të proporcionit të gjithë njerëzve – me dhe pa sëmundje kronike – të cilat do të kërkojnë shtrimin në spital në rast se infektohen.

Ata llogaritën personat me rrezikshmëri të lartë, duke përdorur raportet e shtrimit në spital me infeksionin e COVID-19, dhe bënë rregullime për ndryshimet midis vendeve të ndryshme.

Vendet dhe rajonet me popullsi më të re, kanë më pak njerëz me të paktën një sëmundje kronike, ndërsa ato me popullsi më të moshuar kanë më shumë njerëz me të paktën një sëmundje të tillë.

Në nivel global, më pak se 5 për qind e personave të moshës nën 20-vjeç, por më shumë se 66 për qind e atyre të moshës 70-vjeç e lart, kanë të paktën një sëmundje kronike që mund të rrisë rrezikun e tyre për një koronavirus me simptoma të rënda, thonë studiuesit.

Në mesin e popullsisë në moshë pune (15-64 vjeç), 23 për qind vlerësohet të ketë të paktën një sëmundje kronike. Ndërsa përhapja e një ose më shumë sëmundjeve të listuara në udhëzimet aktuale, është e ngjashme midis gjinive, autorët e studimit supozuan se meshkujt ishin dy herë më të predispozuar se sa femrat, për të kërkuar shtrimin në spital, kur infektohen nga Covid-19.

Dr.Rozalind Ego, nga LSHTM, thotë:?Vlerësimet tona sugjerojnë se pragjet në bazë moshore për mbrojtjen nga virusi, mund të luajnë një rol në zvogëlimin e vdekjeve, por edhe të numrit të njerëzve që kërkojnë trajtim spitalor.

Por zgjedhja e pragut, duhet të balancohet përkundrejt proporcionit të personave në moshë pune të prekur me koronavirus, si dhe pasojat shëndetësore dhe ekonomike që mund të shoqërohen me periudha të gjata izolimi?./ Sciencefocus.com- Përshtatur nga CNA.al