E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Fundi i karantinës në SHBA, do nisë të dëmtojë fushatën e demokratit Xho Bajden

19 Qershor 2020, 06:35, Blog CNA

Nga Kristin Tate ?The Hill?

* Xho Bajden mund të jetë personi më me fat në politikë. Me gjithë gafat e tij të pafundme dhe paraqitjet e dobëta në debatet e garës brenda-partiake, ai u bë kandidati zyrtar i demokratëve, pasi disa nga rivalët e braktisën garën pas shpërthimit të pandemisë së koronavirusit, siç ishte rasti i Berni Sanders.

Bajden u ndihmua jo pak nga karantina e vendosur në vend për shkak të koronavirusit.

I mbyllur në shtëpi, disa prej cilësive të tij më të këqija, përfshirë aftësitë e tij të dobëta në artikulim, prirjen për të polemizuar me përkrahësit e tij dhe rekordi i tij i dyshimtë si politikan, u mbajtën të fshehura nga publiku. Por me heqjen e kufizimeve në shumë shtete, dobësitë e tij të shumta do të ekspozohen sërish. Para masave të ashpra kufizuese, fushata e tij ishte e dobët. Bajden dukej se e shfrytëzoi situatën për ta përmirësuar disi imazhin.

A ju kujtohet kur e quajti një votues në Ajoua një ?gënjeshtar të regjur?? Apo kur çuditi të gjithë me pohimin se 150 milionë njerëz kanë vdekur nga armët e zjarrit gjatë 13 viteve të fundit nëpër botë? Ndërsa këto incidente mund të duken si të parëndësishme në raport me gjithçka që po ndodh aktualisht në SHBA, ato nxorën gjithsesi në pah perceptimin e dobët që ka publiku mbi Bajdenin, para se koronavirusi ta zhvendoste vëmendjen nga ai.

Me fundin e masave bllokuese, Bajden do të humbasë avantazhin e tij nga të qëndruarit jashtë vëmendjes së publikut. Ai do të duhet të bëjë pa pyetjet e gazetarëve miqësorë me të, të realizuara në shtëpinë e tij në Delauer, ku ndihmësit e tij kishin mundësi të kontrollonin me kujdes çdo detaj.

Bajden ka bërë shumë gafa gjatë muajve të fundit, që do të kishin bërë bujë në media gjatë kohërave normale, por ato u harruan shpejt në mesin e raporteve tragjike të pandemisë së Covid-19. Një nga thagmat më të famshme, është ajo kur ai pohoi se mbështetësit zezakë të Trumpit nuk janë vërtet të tillë, apo kur tha se për shkak të koronavirusit u humbën vetëm 85.000 vende pune, në një kohë që sipas tij kishin vdekur miliona njerëz.

Tashmë pasojat e mufkave të tilla do të bëhen më të dukshme, pasi Bajden është i detyruar të dalë në publik, dhe dëmet në fushatën e tij presidenciale do të jenë edhe më të mëdha tani që mediat kryesore që janë më të fokusuara tek zgjedhjet.

Është pikërisht media, ajo që nxjerrë sërish në pah hartimin prej tij të një ligji skandaloz kundër krimit në vitin 1994. Qasja e tij e ashpër ndaj krimit, mund të konsiderohet logjike nga të moderuarit, por protestat aktuale kundër dhunës policore po zbulojnë se çfarë zien sot midis demokratëve.

Projekt-ligji shtoi fondet për policinë dhe ishte aq i rreptë, sa që Bajden u mburr se i bëri të gjitha përveç ?varjes së njerëzve që kalonin rrugën me semafor të kuq?. Ndërsa karantina i dha mundësi kandidatit demokrat të fshehë të gjitha të metat e tij më të mëdha, ajo e pengoi në të njëjtën kohë Donald Trumpin të përdorë pikat e tij më të forta.

Presidenti jep më të mirën e tij përpara turmave të elektrizuara në tubimet e tij masive. Por për shkak të koronavirusit, ai nuk e ka përdorur ende mjetin e tij më të fuqishëm. Sidoqoftë, rinisja e fushatës Trump në mesin e ngjarjeve të fundit, do të shërbejë si një kujtesë për arsyet së përse ai fitoi 4 vjet më parë.

Tubimi i tij i parë që nga fillimi i pandemisë, do të mbahet fundjavën që vjen. Krahasimi shumë i ashpër midis Bajdenit dhe Trumpit, që të dy të 70-at, bazohet vetëm tek fakti se ata kanë vetëm 5 vjet diferencë nga njëri-tjetri. Aftësia e dobët oratorike e Bajden, vetëm sa do të bjerë më shumë në sy me fillimin e fushatës zyrtare.

Gafat e tij poshtëruese dhe ?momentet prej plakushi? mund të shkaktojnë shqetësim jo vetëm tek votuesi në përgjithësi, por ndoshta edhe tek demokratët më fanatikë, sidomos ato kur bien ndesh me energjinë dhe qëndrueshmërinë e shfaqur nga ana e Trump.

Ndërsa po afrohet nëntori, prisni që fushata e Bajden të vazhdojë ta përdorë pandeminë, si një arsye për të zvogëluar dukshmërinë dhe përgjegjësinë e tij, veçanërisht gjatë kongresit të partisë, që ka të ngjarë të ketë një pjesëmarrje më të vogël në krahasim me zgjedhjet e mëparshme.

Madje demokratët, mund të përpiqen ta shmangnin një debat të drejtpërdrejtë me Trumpin, duke përdorur si justifikim pikërisht pandeminë. Kjo do t?i jepte mundësi Bajdenit të flasë kryesisht përmes komenteve të shkruara në media, dhe të redaktuara më parë nga stafi i tij.

Edhe Trump ka vështirësitë e veta. Pëlqyeshmëria ndaj tij ka rënë nën 40 për qind në disa sondazhe, dhe ai ka ende shumë kohë për të bërë gabime. Por ne e kemi parë tashmë një garë midis Trumpit dhe një kandidati tjetër demokrat në zgjedhjet e fundit.

Bajden mund të fshihet pas efekteve të koronavirusit. Ndërsa vendi po sheh përpara, shtabit të tij elektoral mund t?i duhet të angazhohet shumë për t?iu kundërvënë faktit që Bajden ka qenë i vetmi amerikan që përfitoi nga kriza./ Përshtatur nga CNA.al