web counter
LEXO PA REKLAMA!

SHKARKO APP

App Store
Google Play

Paloka skeptik për zgjedhjet e parakohshme/ “Ulja në tryezë na detyron të bëjmë marrëveshje”

20 Janar 2020, 20:31, Politikë CNA

Nënkryetari i Partisë Demokratike Edi Paloka është shprehur skeptik për gjetjen e një zgjidhje për krizën politike në të cilën ndodhet vendi, ndonëse opozita është ulur në tryezën e Reformës Zgjedhore me mazhorancën.

?Nuk e zgjidh krizën. Kriza do zgjidhet nëse zbatohen të gjitha hapat që ka kërkuar Bundestagu gjerman. Dhe nga 9 pika, njëra për reformën përfshihet opozita. 8 pikat e tjera janë detyrime të qeverisë. Njëra nga këto 8 pika është dënimi i Damian Gjiknurit, të gjithë ata që janë kapur në krim zgjedhor. Për këtë do të ngulim këmbë, e nesër do të përgjigjet dhe Rama?, u shpreh Paloka për studion e Ora Neës.

Demokrati pretendon se mes dy partive kryesore politike nuk ka as marrëveshje të fshehta dhe as komplote. Ai theksoi se nuk ka shumë besim se vendi do shkojë në zgjedhje të parakohshme.

“Nuk ka as marrëveshje të fshehta dhe as komplote. Por detyrimisht plotësimi i kushteve çon aty. Por unë e kam me rezerva të them po do shkojmë në zgjedhje, sepse në një vend normal dhe me qeveri normale dhe njeri normal në krye të qeverisë duhej të kishim shkuar në zgjedhje me kohë, sepse e vetmja mënyrë për të zgjidhur krizën janë zgjedhjet e parakohshme që do i japin shqiptarëve institucione legjitime”, u shpreh Paloka./ CNA.al





Lajmet e fundit nga