web counter
LEXO PA REKLAMA!

SHKARKO APP

App Store
Google Play

E fundit!

x

Biografia profesionale e Artur Metanit/ Kordinator i "Soros"-it, Drejtor i Ramës dhe Inspektor i Lartë i Drejtësisë

20 Janar 2020, 18:15, Politikë CNA

Me 98 vota në favor dhe 8 kundër, Artur Metani është zgjedhur pak më parë në detyrën e Inspektorit të Lartë të Drejtësisë, gjë të cilën CNA.al e ka paralajmëruar në disa shkrime të mëparëshme, së bashku me makinacionet që e nxorrën atë në krye të listës së kandidatëve garues për këtë post.

Metani është ?ushtar? i bindur i Edi Ramës arsye kjo që e ka ndihur ngjitjen e shpejtë të shkallëve të karrierës, nga ish koordinator pranë Fondacionit SOROS, në këshilltar pranë dy ish presidentëve, drejtor për Legjislacionin dhe Antikorrupsionin në Kryeministri e Avokat i Popullit, detyrë që vijon ta mbajë aktualisht.

Metani është një tip karte ?Xholi? të cilin Edi Rama e nxjerr nga mënga sa herë i duhet dikush që ta shpjerë ?lojën? në favor të tij.

Kështu Metani u përfol si kandidat favorit për të mbajtur postin e drejtorit të Byrosë Kombëtare të Hetimit, kurse përfundoi i emëruar në krye të avokaturës së Shtetit, pas shkarkimit “rrufe”nga Rama të Alma Hickës.

Nga muaji shkurt i vitit 1999 deri në mars 2002 Artur Metani ka punuar si koordinator ligjor pranë Fondacionit “Soros”.

Në vitet 2002-2012  Metani shërbente si këshilltar për drejtësinë i presidentit Alfred Moisiu dhe si i tillë shërbeu edhe nën presidencën e Bamir Topit.

Artur Metani ka përfunduar studimet për drejtësi në Universitetin e Tiranës, në vitet 1992-1996, më pas ka bërë një master një vjeçar pranë ?Central European University? në Budapest dhe një tjetër pranë ?University of Utah S.J. Quinney College of Law?. /CNA.al

Kandidati i Rilindjes për në ILD/ Artur Metani fsheh të ardhurat nga Soros

ILD po i dorëzohet Soros-it/ Zbardhet e kaluara e errët e Artur Metanit

 





Lajmet e fundit nga