E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Edvin Kulluri "ia numëron një për një" Bashës/ "Je frikacak, mos përdor fakirët kur humbet betejat"

20 Janar 2020, 16:01, Politikë CNA

Ish-anëtari i Këshillit Kombëtar të PD-së, Edvin Kulluri ka reaguar ashpër pas një shkrimi të Qamil Gjyrezit, të publikuar nga gazeta Rilindja Demokratike.

Në shkrim sulmohet, Kulluri, koordinatori i Bindjes Demokratike Astrit Patozi dhe ish-kryeparlamentarja Jozefina Topalli, të cilët janë ndër zërat më kritikë të Bashës, pas zhgjënjimeve që kanë marrë nga bashkëpunimi i këtij të fundit me kryeministrin Edi Rama.

Kulluri i kujton Bashës se demokratët, përfshirë edhe veten, i kanë besuar drejtimin e PD që të mundte Ramën dhe jo demokratët që mendojnë ndryshe nga ai.

Ai thotë se në vitin 2017 kreu i PD ?shkriu? për të reflektuar gjoja mbi gabimet që bëri me marrëveshjen, fushatën dhe listat, por thekson se Basha, të cilin e quan njeri të dobët, vazhdon me kokëfortësi të bëjë të njëjtat gabime.

?Në 2019 të ndoqën në protesta, e komisariate ndërsa ti mobiloje vilen e re, për të fituar betejën që humbe 2 vite më parë, por nuk zhgënjeve sërish në dështimin tënd të turpshëm duke u ulur me Ramën dhe Damianin! Tani të kishte mbetur të keqpërdorje ?dallëndyshen e parë të fjalës së lire? si flet-rrufetë e Partisë së Punës kundër kundërshtarëve të tu në parti! Ti me ?liderin perëndimor? ke lidhje sa ç?kishte Shoqja Themie lidhje me çmimin e parë të Shqipërisë së tollonave për ushqimin në botë! Mos i përdor këta fakirët e RD sa herë që humbet betejat e tua të stisura, pasi çmimin e paguajnë demokratët dhe qytetarët?, shkruan ai në një postim në rrjette sociale, duke iu drejtuar Bashës.

Kulluri thekson se vendi ka nevojë për lider opozite dhe jo për një ?frikacak? on-line që hedh gurin e fsheh dorën pas një gazete që pretendon se kreu i demokratëve e ka falimentuar.

?Boll ke përdorur ?call centerat? e famijes për të fyer dhe sulmuar çdo njeri që nuk mendon si ty! Por mos harro, unë dhe shumë të tjerë do jemi në PD për të luftuar për demokraci të brendshme, fjalë të lirë, konkurencë idesh, program qeverisës konkurues deri sa t?ia arrijmë, pasi Partia Demokratike ka lindur mbi këto parime dhe asnjë ?i katapultuar? si ty nuk mund ta shkatërrojë historinë dhe misionin e saj! Ajo është më e madhe se ti apo çdokush që edhe të kundërshton me të drejteë pasi ke përdhosur historinë dhe vlerat e saj. Ndaj mos sulmo njerëzit por ato që thonë, siç thotë një shprehje e vyer : ?të mençurit merrem me idetë, mediokrit merren me njerëzit?! Ti i përket përfundimisht kategorisë së dytë, ndaj nuk kam shpresë se do reflektosh!?, deklaron ish-anëtari i Këshillit Kombëtar të PD-së./ CNA.al