E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Të hamë apo jo mish? Ja çfarë rekomandojnë studiuesit

22 Dhjetor 2019, 07:42, Blog CNA

Studime të shumta janë kryer mbi eksplorimin e efekteve, që ka në trupin tonë ngrënia e mishit të kuq. Ato kanë zbuluar se disa ushqime me bazë shtazore, mund të jenë të dëmshme për shëndetin tonë. Ndërkohë hulumtime të tjera, kanë promovuar përfitimet shëndetësore që vijnë nga konsumimi i mishit.

Shumë njerëz dhe madje edhe ekspertë të shëndetit, janë të hutuar nga dhjetëra gjetje që bien ndesh me njëjra-tjetrën. Kohët e fundit, janë ngritur sërish pikëpyetje në lidhje me ndikimin real të mishit të kuq mbi organizmin tonë, për shkak se studimet treguan se si efektet e tij pozitive ashtu edhe ato negative.

Një ekip studiuesish, tha se mishi i kuq dhe ai i përpunuar, nuk kanë ndonjë ndikim të rëndësishëm në shëndetin e njeriut. Por nga ana tjetër, një grup tjetër hulumtuesish i inkurajoi njerëzit të zvogëlojnë ose shmangin konsumin e këtyre ushqimeve me bazë shtazore, për të ruajtur shëndetin e tyre, dhe mbrojtur planetin.

Njohja e fakteve, mund t?i ndihmojë njerëzit të përmirësojnë dietën dhe shëndetin e tyre. A është vërtet e gabuar të konsumohet mishi? A është dieta pa mish më e mirë, se sa ato që përfshijnë ushqimin me origjinë shtazore? Ja se çfarë thonë ekspertët.

Mitet kryesore rreth mishit të kuq

Miti nr.1:Mishi i kafshëve të ushqyera me bar, është gjithmonë më i mirë

Kur njerëzit dëgjojnë termin ?të ushqyer me bar?, mendojnë zakonisht se mishi është i pastër dhe i shëndetshëm. Gjithsesi, studimet tregojnë se ekzistojnë dallime shumë të vogla midis bagëtive të rritura me bar natyral, dhe atyre të rritura me koncentrate. Për më tepër, disa bagëti të ushqyera me bar hanë jo vetëm foragjere, por edhe bimë të tjera, mes tyre edhe bishtajoret.

Miti nr.2:Mishi i prodhuar në laborator, është më i shëndetshëm

Prodhuesit i promovojnë produktet e mishit të prodhuara në mënyrë industriale, që t?i ndihmojnë njerëzit të zvogëlojnë ose të shmangin ngrënien e mishit të zakonshëm. Gjithsesi, procesi i prodhimit të produkteve të tilla, mund të ketë disa efekte negative.

?Shumica e produkteve të tilla, janë të ngjashme me mishin e zakonshëm. Përdorimi i majasë së inxhinierizuar gjenetikisht, shton shumë hekur?-thotë Dariush Mozafarian, dekani i shkencës dhe politikës ushqimore në Universitetin Taft në SHBA. ?Këto produkte përmbajnë shumë kripë. Dhe si shumë ushqime të tjera ultra të përpunuara, mund të çojnë në marrjen e më shumë kaorive dhe shtim në peshë?.

Miti nr.3:Mishi pa dhjamë, është shumë i rëndësishëm

Mishi pa dhjamë, përdoret shpesh për shkak të përmbajtjes së ulët të yndyrës, yndyrnave të ngopura dhe kolesterolit. Këto lëndë ushqyese nuk kanë lidhje të forta me sulmet në zemër, kancerit ose gjendje të tjera shëndetësore.

Miti nr.4:Mishi i kuq forcon shëndetin tonë

Konsumimi i sasisë së duhur të biftekut, mishit të qengjit ose derrit, mund të mos shkaktojë probleme shëndetësore. Gjithsesi, ai gjithashtu mund të mos e përmirësojë shëndetin tuaj. Disa studime, kanë treguar se konsumi i pakët i mishit të kuq ose të papërpunuar, ka pak efekt në sëmundjet e zemrës, kancerin ose rreziqet e vdekjes. Sidoqoftë, nuk ka prova që të mbështesin pretendimet, se ngrënia e një mishi të tillë, mund t?i ndihmojë njerëzit të përmirësojnë shëndetin e tyre.

Faktet e vërteta mbi mishin

Fakti nr.1:Mishrat e përpunuara, janë opsionet më të këqija të ushqyrjes

Konsumi i lartë i mishit të përpunuar, mund të shkaktojë probleme serioze shëndetësore, për shkak të përbërësve të shtuar. Mishi i përpunuar përmban sasi të larta të natriumit, nitriteve, hekurit dhe kancerogjenëve të tjerë. Disa nga elementët e lidhur me kancerin, që gjenden në këto produkte, vijnë nga procesi i prodhimit që përfshin tymosjen os tiganisjen e tyre në temperatura të larta.

Fakti nr.2:Moskonsumimi i asnjë lloj mishi, nuk është një praktikë e shëndetshme

Për shkak të dëshmive në rritje, që mishi ka më shumë efekte negative, si tek njerëzit ashtu edhe për mjedisin, shumë njerëz zgjedhin një dietë tërësisht natyrale, të bazuara vetëm tek bimët. Por ka shumë sëmundje që janë të lidhura me produktet që nuk përmbajnë mish, siç janë ushqimet e ëmbëlsuara dhe produktet ultra të përpunuara. Shmangia ose ngrënia me raste e mishit të papërpunuar, ka shumë pak ndikime shëndetësore, thotë Mozafarian./Përshatit në shqip CNA.al